Gríma - 01.09.1948, Qupperneq 6

4 ÞÁTTUR AF SÉRA ODDI Á MIKLABÆ [Gríma
með ráðskonum. Til hans réðst ung stúlka utan úr
Sléttuhlíð fsumir segja úr Fljótum), er Solveig hét. —
Hrólfur Einarsson, er var háaldraður í Lónkoti í Sléttu-
hlíð á uppvaxtarárum mínum, sagði mér, að sig minnti
að hann hefði heyrt, að hún hefði verið úr Hrollleifsdal
og Þorleifsdóttir. — Solveig var lítillar ættar, en vel að
sér ger og hin sjálegasta. Nokkuð þótti hún lundstór,
en stillti þó vel í hóf, var ágætlega verki farin og stund-
aði bú prests ágætavel. — Gerðist Solveig nú ráðskona
prests og virtist hún honum og öðrum heimamönnum
hið bezta. Leið svo fram til ársins 1777, að hún stóð fyr-
ir búi prests fyrir innan stokk.
2. Séra Oddur kvænist.
Séra Oddur kvæntist árið 1777 Guðrúnu, dóttur Jóns
prests Sveinssonar í Goðdölum, Pálssonar prests þar,
Sveinssonar prests að Barði, Jónssonar. Oddur prestur
var, eins og fyrr segir, hinn glæsilegasti maður og virt-
ist hverjum manni vel. Er mælt, að Solveig hafi fellt
hug til hans og jafnvel fest á honum svo mikla ást, að
varla mátti sjálfrátt telja. Deilir nú sagnir nokkuð á um
það, að sumir telja að hugur prests hafi einnig hneigzt
til hennar, en bæði honum sjálfum, og þó sérstaklega
fólki hans, þótt Solveig ættsmá og hafi því séra Oddur
horfið frá því ráði, en aðrar sagnir telja þenna orðróm
aðeins dreginn af ástleitni Solveigar, en að prestur hafi
engan taum gefið henni á sér, en aðeins komíð vel fram
við hana og verið því betur til hennar, sem honum lík-
uðu verk hennar betur en annarra heimiliskvenna.
Það er mælt, að Solveig hafi ekkert vitað, að það stóð
til að séra Oddur kvæntist, fyrr en hann kom heim að
Miklabæ með konu sína. Þetta er þó mjög ólíklegt, þar
sem hann sótti ekki konu sína lengra til en að hún var