Blik - 01.05.1965, Side 49
B L I K
47
ið hér leikritið „Leikkonan”, sem
var einþáttungur. Ekki er mér kunn-
ugt um, hverjir voru þar að leik.
Leikrit þessi voru svo sýnd aftur
nokkru fyrir vertíðarlokin 1912.
Um áramótin 1911 —1912 var
haldin kvöldskemmtun í Gúttó. Þar
voru sýndir þrír leikþættir og svo
dansað á eftir. Þætti mér trúlegast,
að Kvenfélagið Líkn hafi verið
þarna að störfum. Ekki eru neinir
leikendur tilnefndir eða hvaða leik-
rit hafi þá verið sýnd, svo að um
þetta verður ekkert sagt með vissu.
Að vísu koma fleiri aðilar til greina,
sem gætu hafa sýnt þarna þessa
leiki, t. d. Stúkan Bára nr. 2, sem
hafði fjölmargar leiksýningar. En
ótrúlegt þykir mér, að goodtempl-
ararnir hafi verið með þrjá einþátt-
unga á einni kvöldskemmtun og síð-
an haft dans á eftir. Einnig er ekki
trúlegt, að Leikfélagið hafi verið
þarna að verki, því að þeir höfðu
mjög sjaldan dans á eftir sýningum
sínum, enda var L. V. yfirleitt með
stærri verkefni en einþáttunga.
Þessarar skemmmnar er getið í
dagbókum Brydeverzlunarinnar, en
engar upplýsingar þar um skemmt-
endur eða skemmtiatriðin.
Þann 25. febrúar 1912 er aftur
leikið og þá sennilega „Apinn" og
„Leikkonan" og líklega eru það
þessir leikir, sem eru endurteknir 7.
apríl s. á., en getið er um leiksýn-
ingu þá.
A fyrstu starfsárum L. V. urðu
leikritin mörg, sem það tók til með-
ferðar, þó nokkuð fleiri en þegar
hafa verið nefnd. Má þar á meðal
nefna „Villidýrið" eftir E. Bögh,
sem sýnt var í byrjun árs 1913. Þá
léku Olafur Ottesen, Kristján Gísla-
son, Guðbjörg Gísladóttir og Ágústa
Eymundsdóttir. Þá var einnig sýnt
leikritið „Nei-ið" eftir Heiberg. Þá
léku þau Petersen, Guðbjörg, Guð-
jón Guðjónsson og Kristján. Það er
danskur gleðileikur, sem hér var
oftar nefndur „Hringjarinn frá
Grensaa" eftir einni aðalpersónu
hans, sem Petersen lék af sinni al-
kunnu snilld. Hann mótaði þá per-
sónu hér í bænum í augum margra.
Til þess að fólki geðjaðist að
„Hringjaranum" seinni árin, varð
sá, er hlutverkið hafði, að leika
Petersen í því. Enginn hefur náð
hylli Eyjabúa í hlutverki þessu eins
og Petersen nema Kristinn Astgeirs-
son frá Litlabæ. Hann þótti leika
„Hringjarann" afbragðs vel, enda
var hann einn af færusm leikurum
þessa bæjar og næstum sama, hvert
hlutverkið var.
Þegar þessi leikrit „höfðu gengið
sér til húðar" í bráð, setti L. V. á
svið leikritið „Heimilið" eftir Suder-
mann. Það hefur líklega verið í febr.
— marz 1913. Fólki fannst það gott
leikrit, en ef til vill helzt til of al-
varlegs eðlis. Þó gekk það allvel og
þótti vel takast hjá sumum leikend-
unum og öðrum ágætlega, t. d. Olafi
Ottesen í Schwartse, Guðjóni Jósefs-
syni í prestinum, Árna Gíslasyni í
Dr. Keller, Guðbjörgu í Mögðu,
Petersen í hershöfðingjanum og
Agústu í dómarafrúnni.