Strandapósturinn - 01.06.2009, Qupperneq 11

9
Nú var smástopp í Dombas þar sem við fengum okkur hádeg-
isverð. Síðan lá leiðin upp á hálendið í gegnum Dovrefjell þar
sem við skoðuðum Jarkin sem er minnismerki um sambandsslitin
við Svíþjóð. Farið var fram hjá Oppdal en æ, æ, þarna gleymdum
við okkur aðeins í söng svo við misstum af því að sjá námurnar en
Guðlaug sagði að það væri í lagi, við sæjum þær bara seinna.
Höskuldur fræddi okkur síðan um Bör Börsson.
Þrándheimur er á svipaðri breiddargráðu og Vík í Mýrdal og
þegar við komum þangað var byrjað á að fara að Niðarósdóm-
kirkjunni þar sem við skoðuðum gröf Ólafs helga, hákór frá 11.
öld, Maríukapelluna frá 12. öld, kórboga frá 14. öld og silfurkross
sem er 2,60 m á hæð frá 1930. Einnig skoðuðum við styttur frá
árunum 1300 til 1910 meðal annars eftir myndhöggvarann Gust-
av Vigeland. Síðan skoðuðum við rússneskan íkona frá 1500 og
skip sem er í gotneskum stíl frá 13. öld. Og að lokum líkan af
Lincoln-dómkirkjunni á Englandi.
Stafkirkja í Ringebu frá 12. öld.