Strandapósturinn - 01.06.2009, Qupperneq 52

50
fjarðará sem skilur að Strandasýslu og Húnavatnssýslu og um leið
landsfjórðunga. Þegar komið er nokkuð norðar liggur háspennu-
línan yfir veginn og er nú ekið niður brekku og aftur verður jafn-
lendara. Ef nú er horft til suðvesturs er slakki sem heitir Dæld og
rennur lækur eftir henni sem á upptök sín þarna suður í mýrun-
um. Lækurinn heitir Dældarlækur og sést ræsið vel sem enn
stendur uppi á gamla veginum. Þarna vestar kemur svo Miklagilið
ofan úr Tröllakirkjunni. Við blasa fossar í gilinu sem heita Þrífoss-
ar. Miklagilið þverbeygir svo vestur af Dældinni og liggur til norð-
urs. Allmiklu neðar er svo þjóðvegurinn yfir það en komum að
því síðar. Elsti vegurinn lá með fram Miklagilinu úr Dældinni og
er alveg kjörið fyrir þá sem fara á hestum yfir heiðina að nota
hann sem reiðveg.
Úr Dældinni blasir svo Tröllakirkjan við og útsýnið til hennar
er einna best þarna. Því er ekki úr vegi að gera henni betri skil en
áður hefur verið gert. Norðan til er Kirkjan frekar ávöl en síðan
kemur hár og strýtulagaður tindur sem heitir Klukknaport. Sunn-
an þess kemur skál sem heitir Sæti eða Norðara-Sætið. Þá kemur
smá hryggur og vestur af honum er Kirkjan hæst. Sunnar kemur
Bláhæð.