Strandapósturinn - 01.06.2009, Qupperneq 103

101
ber að geta að á þessum tíma var ekki hafin sú vetrarþjónusta
sem við þekkjum í dag með snjómokstri og hálkuvörnum, heldur
varð hver að bjarga sér sjálfur.
Kaupfélag Hrútfirðinga hélt uppi áætlunarferðum með vörur
um félagssvæðið lengi vel og á þess vegum var tekið upp á því
á haustin eða í byrjun vetrar að flytja úrgangssalt frá gæruskúr
sláturhússins á Borðeyri í pokum út fyrir Laxá. Þar var hægt að
grípa til saltsins þegar hálka myndaðist í Laxárhallanum og varð
að þessu mikil bót.
1970 var svo reist fjórða brúin á Laxá, sú sem enn stendur. Var
þá brúin færð neðar, nær sjónum. Brúin er steinsteypt og stöp-
ull undir henni miðri. Brúarsmiður var Guðmundur Gíslason
frá Hvammstanga. Að mati okkar heimamanna var samt ekki
valið besta brúarstæðið því aðkeyrslan er ekki góð hvorugu
megin. Þessi brú er nú farin að láta á sjá og voru komnar í hana
verulegar steypuskemmdir fyrir nokkru. Í nóvember 2004 kom
vinnuflokkur til að laga skemmdirnar og reisti vinnupalla undir
brúnni. Svo fóru þeir í langt jólafrí en létu pallana standa á með-
an. En Laxá var ekki dauð úr öllum æðum, það kom hressilegt
Laxárbrýr. Sú sem er nær var reist 1929 en fjær er núverandi brú á Laxá
frá 1970. Mynd tekin af Gunnlaugi Elíssyni.