Fréttablaðið - 20.01.2022, Síða 34

Í framkvæmda-
stjórn félagsins
sitja sjö manns, þar af
eru þrjár konur, þannig
að hlutfallið er í raun
eins jafnt og það getur
verið. Hins vegar þurfum
við að jafna hlutfallið í
hópi hluthafa.
KPMG er þekkingarmiðað
þjónustufyrirtæki sem
vinnur með viðskiptavinum
á öllum sviðum atvinnulífs-
ins. KPMG leggur metnað í
að vera fremst í flokki fyrir-
tækja sem veita sérfræði-
þjónustu, hvað varðar traust
og áreiðanleika.
Hrafnhildur Helgadóttir er nýkjör-
inn stjórnarformaður þekkingar-
fyrirtækisins KPMG. Hún ólst upp
á Suðurlandi, rétt fyrir utan Hvols-
völl. „Ég kem úr stórum systkina-
hópi, þannig að það var oft fjörugt
á heimilinu. Eftir grunnskóla fór
ég í Versló, þaðan í FSu og kláraði
síðan viðskiptafræðina úr HÍ. Árið
2002 varð ég löggiltur endurskoð-
andi. Ég hef starfað hjá KPMG
síðan 1996 við endurskoðun og
tengd verkefni,“ segir Hrafnhildur.
„KPMG er þekkingarfyrirtæki
þar sem meginþjónusta okkar
gegnir lykilhlutverki í að skapa
traust á fjármálamörkuðum og í
samfélaginu öllu. Rekstri félags-
ins er skipt í fimm svið, endur-
skoðun, skatta- og lögfræðisvið,
ráðgjafar-, bókhalds- og stoðsvið.
Á síðasta ári fjárfestum við í
félaginu Circular Solutions ehf. og
með þeirri fjárfestingu styrktum
við þjónustuframboð okkar í
þjónustu tengdri upplýsingagjöf
um sjálf bærni félaga, uppsetningu
mælikvarða og staðfestingarvinnu
í sjálf bærnimálum. Ég myndi segja
að sérsvið okkar væri hvað við
getum veitt viðskiptavinum okkar
fjölbreytta þjónustu, við erum
með marga sérfræðinga sem geta
stutt viðskiptavini í ólíkum við-
fangsefnum.“
Þú ert nýkjörinn stjórnarfor-
maður KPMG. Hvert var þitt fyrsta
verkefni?
„Ég hef verið í stjórn félagsins
síðastliðin fimm ár, þannig að ég
hef fengið að taka þátt í stefnumót-
un og öðrum verkefnum stjórnar.
Fyrstu verkefnin sem formaður
tengdust skipulagi rekstrarársins
og frágangi á sjálfbærniskýrslu
félagsins, sem var gefin út í fyrsta
skipti í desember síðastliðnum.
Við erum ákaflega stolt af útgáfu
skýrslunnar, en þar setjum við
meðal annars fram markmið sem
KPMG hefur sett sér í sjálfbærni og
mælikvarða. Okkur finnst mikil-
vægt að viðskiptavinir okkar og
aðrir hagaðilar fái upplýsingar um
KPMG og hvað við stöndum fyrir.“
Hvaða verkefni eru fram undan
hjá KPMG?
„KPMG hefur eins og önnur félög
unnið að stafrænni þróun. Við
höfum verið að innleiða ný kerfi og
breytt vinnulagi, þannig að þjón-
usta okkar sé ávallt lausnamiðuð
og skilvirk. Þjónustuframboð í
ráðgjöf, hvort sem er í fjármálum,
skattamálum, upplýsingatækni
eða aðstoð við sjálfbærnimál,
þarf sífellt að vera í endurskoðun
og fylgjumst við mjög vel með
breytingum á markaðnum, þannig
að við getum brugðist hratt og vel
við þörfum viðskiptavina okkar.“
Meiri samvinna með KPMG
á Norðurlöndunum
„Á undanförnum árum hefur sam-
vinna KPMG á Norðurlöndunum
verið að aukast. Við sjáum mikið
hagræði og gæði í slíku samstarfi.
Þá eru mannauðsmálin ávallt í
fókus hjá okkur og verða áfram,
en heilsa, ánægja og starfsþróun
starfsfólks skiptir okkur miklu
máli og er í raun lykilatriði til að
ná árangri í starfsemi félagsins.
Við bjóðum upp á sveigjanleika
í starfi og leggjum áherslu á heil-
brigt, öruggt og fjölskylduvænt
starfsumhverfi. Mikill metnaður
er í símenntun og fræðslumálum,
en á árinu 2019 stofnuðu KPMG á
Norðurlöndunum sameiginlegt
félag, Nordic Learning and Deve-
lopment, sem sér um fræðslumál. Í
gegnum það félag tökum við þátt í
námskeiðum, bæði sem nemendur
og leiðbeinendur.
Síðan eru á dagskrá rekstrarárs-
ins fundir og viðburðir þar sem
farið er yfir fjölbreytt viðfangs-
efni, en við lítum á það sem okkar
samfélagslega verkefni að miðla
okkar sérþekkingu til viðskipta-
vina, núverandi og tilvonandi, og
út í atvinnulífið í heild. Á þessum
tæpu tveimur árum sem heimsfar-
aldurinn hefur geisað höfum við
haldið fjöldann allan af fundum
um Covid-úrræði stjórnvalda
og hafa þessir fundir verið allt
frá því að vera almennir í það að
vera sérsniðnir fyrir minni hópa.
Fram undan er svo Skattafróð-
leikur KPMG þar sem við förum
yfir skattalagabreytingar og ýmis
önnur skattatengd málefni, sem
við teljum að muni nýtast atvinnu-
rekendum, fjármálastjórum og
öðrum þeim sem sinna fjármálum
fyrirtækja á komandi rekstrarári.“
Hvernig er KPMG að standa sig í
hlutfalli kynjanna á vinnustað?
„Það hefur margt breyst á þeim
tíma sem ég hef starfað í greininni.
Konum er alltaf að fjölga, og í
dag er hlutfallið þannig að konur
eru 54% af starfsfólki félagsins.
Í framkvæmdastjórn félagsins
sitja átta manns, þar af eru fjórar
konur og fjórir karlar, þannig að
jafnara verður það ekki. Hins vegar
þurfum við að jafna hlutfallið í
hópi hluthafa. Þar eru konur 29%
af 35 hluthöfum. Það er einmitt
eitt af verkefnum stjórnar að setja
markmið, framfylgja jafnréttis-
áætlun og -stefnu um hvernig við
vinnum að því að jafna hlutfallið á
næstu árum.“
Viltu leggja orð í belg hvað
varðar konur í stjórnunarstöðum?
Hvað er til dæmis hægt að gera
til að auka hlut kvenna í áberandi
eða áhrifaríkum stöðum?
„Ég er sammála, það er nauð-
synlegt að hugsa um hvernig við
getum aukið hlut kvenna í áhrifa-
ríkum stöðum í atvinnulífinu. Ég
tel að áframhaldandi hvatning til
stjórnenda og stjórnarmanna í
fyrirtækjum landsins, bæði karla
og kvenna, um mikilvægi þess
að jafna stöðu kynja í ábyrgðar-
stöðum og stjórnun fyrirtækja, sé
mjög mikilvæg. Ég held einnig að
við þurfum að fara að horfa á jafn-
rétti í víðara samhengi og horfa
þannig til fjölbreytileikans sem
er í samfélaginu. Hjá okkur starfa
einstaklingar af sex mismunandi
þjóðernum. Með jafnara kynja-
hlutfalli í lykilstöðum næst fram
ólík sýn, betri fyrirtækjamenning
og verðmætasköpun verður meiri.“
Hvað hefur verið gert á síðustu
árum og hvað hefur virkað að þínu
mati við að auka hlut kvenna í
stjórnunarstöðum?
„Lagasetningin 2010 um hlutföll
kynja í stjórnum félaga breytti
miklu. Þó að kynjakvótar geti verið
umdeildir voru þeir nauðsynlegir
til að jafna stöðu kynjanna. Það eru
hins vegar ákveðin vonbrigði að
breytingin sem varð með kynja-
kvóta stjórnarmanna hafi ekki
skilað fleiri konum í framkvæmda-
eða forstjórastöður. Ég held að öflug
umræða um jafnlaunavottun og
starfsemi samtaka eins og FKA hafi
haft mikil áhrif. Þá hafa aðgerðir
stjórnvalda í fæðingarorlofsmálum,
leikskóla- og skólamálum gert
mikið. Ég er jafnan spurð að því af
kollegum mínum erlendis, með
öfundartóni, hvað fæðingarorlofið
sé langt á Íslandi og hver réttur
feðra sé, en jöfnun þess á milli for-
eldra hefur haft og mun hafa mikil
áhrif á jafnrétti kynja á vinnu-
markaði. Síðan eru það allar þessar
frábæru konur í öllum geirum
samfélagsins sem eru fyrirmyndir
og hvatning til kvenna um að taka
þátt í stjórnun félaga og stofnana í
samfélaginu.“ ■
Jafnrétti í víðara samhengi hjá KPMG
Hrafnhildur telur það vera nauðsynlegt að hugsa um hvernig við getum aukið hlut kvenna í áhrifamiklum stöðum í atvinnulífinu. FRÉTTABLAÐIÐ/EYÞÓR
14 kynningarblað 20. janúar 2022 FIMMTUDAGURFÉLAG KVENNA Í ATVINNULÍFINU