Fréttablaðið - 20.01.2022, Side 102

Einar Falur Ingólfsson sýnir
ljósmyndir í Berg Contemp­
orary. Sýningin hefur yfir­
skriftina Um tíma – Dagbók
tuttugu mánaða. Sýningin
stendur til 26. febrúar.
kolbrunb@frettabladid.is
„Þetta er dagbók frá haustinu 2018
fram á sumarið 2020 þegar Covid
var skollið á af fullum krafti,“
segir Einar Falur. „Ég hef nokkrum
sinnum gert tímabundnar dag­
bækur í ljósmyndun og ætlaði mér
upphaflega að gera dagbók í átján
mánuði en vegna Covid lengdi ég
tímann í tuttugu mánuði. Þegar ég
byrjaði á þessu verki voru merkileg
hvörf að verða í lífi fjölskyldunnar
því dætur mínar voru að f lytja að
heiman. Svo skall Covid á. Yngri
dóttir mín var send heim úr skóla í
Noregi og endaði í sóttkví í sumar­
bústað og hin fékk ekki að koma
heim frá Danmörku. Ég lauk þess­
ari dagbók þegar hún fékk loks að
koma heim og fjölskyldan var sam­
einuð á ný.“
Verkefni Einars Fals fjallar þó
engan veginn einungis um fjöl­
skyldu hans. „Í verkum mínum er
ég alltaf að vinna með tímann og
blanda saman áhugamálum sem
eru hér myndlist, bókmenntir, for­
tíð og saga. Ég ákvað að gera verk­
efni þar sem ég væri ekki bara að
takast á við eigið líf og fjölskyldu
minnar heldur vildi ég líka skoða
hinn íslenska menningarsögulega
bakgrunn og spegla mig um leið í
eldri menningarheimum.“
Spegill á Ísland
Dagbók Einars Fals teygir sig til Ind­
lands, Rómaborgar og Egyptalands.
„Undanfarin ár hef ég verið með
vinnustofu um tíma á Indlandi í Var­
anasi, sem er elsta borg á jörðinni.
Ég ákvað að nota hana sem spegil
á Ísland. Svo var ég með vinnustofu
í Róm sem er borg sem hefur mótað
kristna menningu okkar og mynd­
listina og vann svo líka á Egypta­
landi sem er annar menningar­
sögulegur kjarni sem hefur mótað
okkur.
Ég var líka að vinna með verk
annarra listamanna. Tók til dæmis
myndir í Róm af sömu sjónarhorn­
um og bandaríski ljósmyndarinn
Joel Sternfeld myndaði fyrir 40 árum
en hann er einn þeirra listamanna
sem hafa haft talsverð áhrif á mína
sýn. Í Róm vann ég til að mynda líka
út frá lífi og verkum ítalska meistar­
ans Caravaggio sem lést 1610.“
Blossi í eilífðinni
Sýning Einars Fals einkennist af
alls kyns tímalínum. Sem dæmi má
nefna stórt verk sem samanstendur
af ljósmyndum af rjóðri sem hann
myndaði reglulega í tuttugu mán­
uði. „Þetta rjóður er griðastaður
minn, þarna hangir hengirúmið
mitt þar sem ég ligg og les.“ Tvær
ljósmyndir frá Indlandi, teknar
með árs millibili, sýna hjól sem er
á nákvæmlega sama stað, það eina
sem hefur breyst á einu ári er að
búið er að skipta um hnakk á hjól­
inu og veggurinn í bakgrunni hefur
verið málaður.
Tvö vídeó eru á sýningunni.
„Annað þeirra er eins og stór ljós­
mynd og sýnir hengirúmið mitt – og
svo fer að snjóa og myndin lifnar við.
Hitt vídeóverkið má segja að sé hjart­
að eða gangverkið á sýningunni. Það
sýnir fætur manns á Indlandi sem
hjólar með okkur í gegnum lífið. Við
erum inni í umferðinni og hávað­
anum,“ segir Einar Falur.
Í tengslum við sýninguna kemur
út bók sem geymir verk sýningarinn­
ar auk fleiri verka. Opnunarmyndin
sýnir indverskan dreng með logandi
eldspýtu. „Þar er ég að hugsa um það
hvernig líf mitt er eins og lítill blossi
í þessari eilífð,“ segir Einar Falur.
Hann bætir við: „Ekkert í uppsetn­
ingu sýningarinnar og samsetningu
bókarinnar er tilviljun. Ég er mjög
konkret í minni hugsun. En svo er
það þannig að sýning eins og þessi
verður til tvisvar. Fyrst hjá lista­
manninum og svo hjá fólkinu sem
gengur inn í galleríið og býr hana til
upp á nýtt.“ n
Sýning með alls kyns tímalínum
Ég er mjög
konkret í minni
hugsun, segir
Einar Falur.
FRÉTTABLAÐIÐ/
ERNIR
Myndin er tekin í borginni Varanasi á Indlandi, árið 2019. Hún sýnir umbúnað
um tímabundið hindúahof úti á götu í þessari elstu borg jarðar.
Ég ákvað að gera
verkefni þar sem ég
væri ekki bara að
takast á við eigið líf og
fjölskyldu minnar
heldur vildi ég líka
skoða hinn íslenska
menningarsögulega
bakgrunn og spegla
mig um leið í eldri
menningarheimum.
kolbrunb@frettabladid.is
Einkasýning Ragnheiðar Sigurðar­
dóttur Bjarnarson, Ljósbrot, stendur
yfir í Listasal Mosfellsbæjar. Sýning­
unni lýkur 4. febrúar.
R ag nheiðu r Sig u rða rdót t ir
Bjarnarson (f. 1986) er alin upp í
Mosfellsbæ. Hún útskrifaðist frá
Listaháskóla Íslands sem danshöf­
undur árið 2009, með meistarapróf
í gjörningalist í almenningsrými frá
Gautaborgarháskóla árið 2014 og
með kennsluréttindi frá Listaháskóla
Íslands árið 2017.
Ragnheiður hefur haldið fjölda
sýninga, bæði hér á landi og erlendis.
Hún fæst aðallega við myndverk en
einnig gjörninga og dansverk. Ragn­
heiður er í samstarfi með fjölþjóð­
lega hópnum Onirism Collective og
dúettinum RebelRebel. Árið 2018
stofnaði hún galleríið Midpunkt í
Hamraborg ásamt Snæbirni Brynj­
arssyni. Út frá því samstarfi varð
árið 2021 til Hamraborg Festival.
Galleríið er í pásu eins og er en stefnt
er að því að halda aðra Hamraborg
Festival á þessu ári.
Sýningin Ljósbrot er hluti af stærra
rannsóknarverkefni Ragnheiðar á
hugtakinu „hægt“. Rannsóknin á
uppruna sinn í göllum samfélagsins
og er leitað að því að skapa ró, yfir­
vegun, núvitund, hægar hreyfingar
og hugsanir. Á sýningunni koma
saman verk af ýmsum toga; vídeó,
skúlptúrar, lágmyndir og málverk. n
Ljósbrot í Listasal Mosfellsbæjar
Eitt af verkunum á sýningu Ragn-
heiðar í Mosfellsbæ. MYND/AÐSEND
Á sýningunni koma
saman verk af ýmsum
toga; vídeó, skúlptúrar,
lágmyndir og málverk.
Á morgun, föstudaginn 21. janúar,
verður sýningin Snjóf lygsur og
önnur undur (Snowflakes and other
surprises) opnuð í Fotografisk Center
listamiðstöðinni í Kaupmannahöfn.
Á sýningunni eiga 16 listamenn frá 4
löndum verk. Þeirra á meðal eru fjórir
íslenskir listamenn, Einar Falur Ing­
ólfsson, Hallgerður Hallgrímsdóttir,
Katrín Elvarsdóttir og Tinna Gunn­
arsdóttir. Sýningarstjóri sýningar­
innar er Sigrún Alba Sigurðardóttir.
Á sýningunni er unnið með ljós­
myndina sem frásagnaraðferð og
sjónum beint að listamönnum sem
í verkum sínum fanga tilveruna, og
ekki síst ýmis undur náttúrunnar.
Auk ljósmynda sýnir Tinna Gunn­
arsdóttir þrívíð verk og hljóðlista­
maðurinn Jacob Kirkegaard er með
verk sem höfðar til allra skynfæra.
Þá eiga margir af fremstu ljós­
myndurum Norðurlanda verk á
sýningunni og má þar nefna, Elinu
Brotherus, Trinu Søndergaard og
Magnus Wennman. n
Snjóflygsur í Kaupmannahöfn
Elina Brotherus,
úr seríunni
Sebaldiana.
Memento mori,
2019. 
MYND/AÐSEND
22 Menning 20. janúar 2022 FIMMTUDAGURFRÉTTABLAÐIÐMENNING FRÉTTABLAÐIÐ 20. janúar 2022 FIMMTUDAGUR