Andvari - 01.01.2019, Síða 18

ANDVARI SÉRA PÉTUR SIGURGEIRSSON 17
Að lokinni venjulegri barnaskólagöngu heima á Ísafirði lá leið
Péturs til Akureyrar sem síðar átti eftir að verða heimabær hans og
starfsvettvangur í á fjórða áratug. En hann hóf nám í Menntaskólanum
á Akureyri haustið 1936 í tíð þess stórbrotna skólameistara Sigurðar
Guðmundssonar (1878–1949). Pétur gerði þó stuttan stans nyrðra eða
þar til faðir hans var kjörinn biskup á öðrum námsvetri hans, sem vissu-
lega hafði mikil umskipti í för með sér fyrir alla fjölskylduna.17 Í MA
kynntist Pétur þó m.a. strák úr Fjörunni sem síðar átti eftir að verða
samverkamaður hans og eftirmaður í vígslubiskupsembætti, Sigurði
Guðmundssyni (1920–2010).18 Kunna þau kynni á unglingsárum að
skýra hve náið og frjótt samstarf þeirra átti eftir að verða síðar — ekki
síst meðan Pétur þjónaði á Akureyri en Sigurður á Grenjaðarstað í
Aðaldal. Pétur lauk svo stúdentsprófi frá MR 1940 í rektorstíð ann-
ars þjóðþekkts og mikilsvirts skólamanns, Pálma Hannessonar (1898–
1956). Þá um vorið var skólinn hertekinn af Bretum og voru prófin því
þreytt í Alþingishúsinu.19
Þess skal getið að Sigurgeir Sigurðsson var fyrsti íslenski biskupinn
sem kjörinn var í almennum kosningum meðal presta en til þess tíma
höfðu lútherskir biskupar verið konunglegir embættismenn.20
Guðfræðinám og mótun
Afstaða prestsbarna til starfs föður síns — eða móður í seinni tíð — er
með ýmsu móti líkt og þegar aðrar starfsstéttir eiga í hlut. Hugsanlega
er hún þó afdráttarlausari en gengur í aðra hvora áttina. Það hefur lík-
lega átt enn frekar við á uppvaxtarárum Péturs Sigurgeirssonar en nú
á dögum. Þá gerði starfið víðtæka kröfu sem ekki náði til prestsins
eins heldur gilti einnig um heimili hans og fjölskyldu. Verulegur hluti
starfsins fór enda fram inni á heimilinu og skipti þá engu hvernig á
stóð fyrir þeim sem þar bjuggu. Þessa hefur Pétur ekki gengið dulinn
eftir uppvaxtarárin á Ísafirði. Hér kom og fleira til. Í upphafi voru
embættisdeildirnar þrjár, guðfræði-, lækna- og lagadeildin — arf-
takar Presta-, Lækna- og Lagaskólans — nær einráðar við Háskóla
Íslands en líta má svo á að hann hafi verið embættismannaskóli fram
um 1960.21 Þegar komið var fram á fimmta áratug liðinnar aldar var
náms- og atvinnumöguleikum stúdenta samt tekið að fjölga frá því