Andvari - 01.01.2019, Blaðsíða 71

70 HJALTI HUGASON ANDVARI
um vígslubiskupa en samkvæmt þeim fólst formlegt hlutverk þeirra
einkum í að vígja biskup Íslands ef fráfarandi biskup gat ekki vígt
eftirmann sinn. Á heimastjórnartímanum þótti aftur á móti ekki við
unandi að biskup Íslands þyrfti að sækja vígslu til Danmerkur eins og
áður hafði verið, hvað þá eftir að fullveldi var fengið.279 Í vígslubisk-
upstíð Péturs var því fremur um persónulegan heiður að ræða en að
miklar áherslubreytingar yrðu í starfi hans. Þó var venja að fela vígslu-
biskupi ákveðin forystuhlutverk í biskupsdæminu. Þannig var hefð að
vígslubiskupinn væri formaður Prestafélags hins forna Hólastiftis og
tók Pétur við því í kjölfar þess að hann varð vígslubiskup.280 Þá sat
hann í kirkjuráði og á kirkjuþingi á þessum tíma eins og fram er kom-
ið.281
Pétur Sigurgeirsson gegndi margháttuðum hlutverkum við hlið emb-
ætta sinna eins og algengt var með presta af hans kynslóð. Hann var
t.a.m. stundakennari við skólana á Akureyri. Hann kenndi í MA frá 1953
til 1962 en mun lengur við skóla á neðri skólastigum enda voru kristin
fræði meðal kennslugreina þar á þessum tíma. Við Gagnfræðaskóla
Akureyrar kenndi hann allan starfstíma sinn í bænum og var höfund-
ur þessarar greinar nemandi hans þar. Við Glerárskóla kenndi hann
frá 1973.282 Þá var Pétur formaður barnaverndarnefndar Akureyrar
og sat í stjórn Barnaverndarfélags Íslands. Hann var einnig í stjórn
Akureyrardeildar Rauða kross Íslands og í stjórn Dýraverndunarfélags
Íslands.283 Loks sat hann í stjórn Listasafns Einars Jónssonar á bisk-
upsárunum. Þá var hann og sem biskup forseti Hins íslenska biblíufé-
lags.284 Hér framar hefur verið gerð grein fyrir forystustörfum hans
á vettvangi Æskulýðssambands þjóðkirkjunnar í Hólastifti sem og
Prestafélags hins forna Hólastiftis.
Pétur var kjörinn heiðursfélagi Prestafélags Íslands 1988. Þá varð
hann ýmiss annars heiðurs aðnjótandi starfa sinna vegna. Hann var
sæmdur ridddarakrossi fálkaorðunnar (1972), stórkrossi finnsku hvítu
rósarinnar (1982), stórkrossi fálkaorðunnar (1983) og loks stórkrossi
með stjörnu (1990).285
Pétur Sigurgeirsson var síðasti biskup íslensku þjóðkirkjunnar sem
sat í embætti áður en verulega tók að blása um hana í umróti alda-
mótaáranna síðustu. Hann átti sinn gefna stað meðal háembættismanna
þjóðarinnar og naut almenns trausts. Hann var biskupssonur á biskups-
stóli sem hafði fengið tækifæri til að víkka sjóndeildarhring sinn um-
fram flesta aðra presta af sinni kynslóð. Í lok endurminninga sinna