Andvari - 01.01.2019, Blaðsíða 33

32 HJALTI HUGASON ANDVARI
ast prófraunina og að bæjarbúar hafi öðlast á honum fullt traust. Má
nærri geta að atburðurinn hefur gengið nærri Pétri, en hann var þá enn
óreyndur maður innan við þrítugt og með öllu ókunnur í bænum.
„Safnaðaruppbygging“
Pétur Sigurgeirsson gekk inn í fastmótað kristnihald á Akureyri
enda hafði Friðrik J. Rafnar starfað þar í tvo áratugi og komið á föst-
um venjum og hefðum. Þá hafði verið stofnað kvenfélag í sókninni
snemma árs 1938 í tengslum við byggingu kirkjunnar sem þá var ný-
hafin. Hefur enda verið sagt að konur hafi „prjónað og bakað“ heilu
kirkjubyggingarnar frá grunni til vígslu. Þá hefur félagið styrkt starf
safnaðarins á marga lund æ síðan.117 Einnig hafði verið stofnaður fé-
lagsskapur um kirkjusöng í Akureyrarkirkju 1945 sem gengið hefur
undir ýmsum nöfnum: Kirkjukór Akureyrar (1945–1984), Kirkjukór
Akureyrarkirkju (1984–1989) og loks Kór Akureyrarkirkju.118
Stofnfélagar munu hafa verið 27 en síðar valt á ýmsu með mönnun
kórsins fram á níunda áratuginn.119 Á Akureyri eins og víðast ann-
ars staðar á þessum tíma einskorðaðist kirkjustarfið þó að mestu við
guðsþjónustur á helgum og hátíðum auk tilfallandi aukaverka eins og
alvanalegt er að kalla helgiathafnir á ævihátíðum einstaklinga og fjöl-
skyldna jafnvel þótt í sumum tilvikum sé um veitingu sakramentis að
ræða. Því má á þessum tíma ræða um að þar hafi starfað stofnunar- og/
eða embættiskirkja.
Strax í upphafi prestskaparins hóf Pétur aftur á móti öflugra og fjöl-
þættara safnaðarstarf en almennt gerðist um miðbik 20. aldar Í viða-
mikilli sögu Akureyrarkirkju sem Sverrir Pálsson (1924–2017) cand.
mag. ritaði í tilefni af 50 ára vígsluafmæli kirkjunnar komst hann
þannig að orði:
Ekki var séra Pétur Sigurgeirsson fyrr kominn til starfa […] en hann tók til
óspilltra málanna við kristilegt starf í þágu barna og unglinga í sókninni.
Hinn eldlegi áhugi hans og óþreytandi vakandi hugur við þennan þátt prest-
skaparins lét fáa ósnortna, og árangurinn lét heldur ekki lengi á sér standa.
Hann var raunar slíkur, að þjóðarathygli vakti og verður við fátt jafnað nema
þá helst áhrif séra Friðriks Friðrikssonar á unga drengi í Reykjavík um alda-
mótin 1900 og á fyrri hluta þessarar [þ.e. 20.] aldar.120
Má Sverrir glöggt um þetta dæma en hann var kennari og síðar skóla-
stjóri Gagnfræðaskóla Akureyrar og hafði því glögga innsýn í æsku-