Gátt - 2009, Page 10

10
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 0 9
þeim þörfum. Námsskráin lýsir 100 kennslustunda námi sem
er metið til allt að 9 framhaldsskólaeininga.
Námsskrá í almennum bóklegum greinum var unnin sem
þróunarverkefni á vegum FA. Námið er einkum ætlað þeim
sem eru í starfi og hafa ekki lokið prófi í almennum bóklegum
greinum til brautskráningar úr framhaldsskóla. Mennta-
málaráðuneytið leggur til að námsleið þessi verði í boði bæði
innan fullorðinsfræðslu og í framhaldsskólum í tilraunaskyni
fyrst um sinn. Námsskráin lýsir 300 kennslustunda námi sem
er metið til allt að 24 framhaldsskólaeininga.
Skrifstofuskólinn er námsskrá sem byggist á námi sem
Farskólinn á Norðurlandi vestra hafði séð um. Farskólinn
sá um að skrifa námsskrána að höfðu samráði við fram-
haldsskólakennara í skrifstofustörfum. Námsskrá lýsir 240
kennslustunda námi í almennum skrifstofustörfum sem er
metið til allt að 18 framhaldsskólaeininga.
Sterkari starfsmaður – upplýsingatækni og samskipti er
námsskrá sem er hönnuð og skrifuð af FA með hliðsjón af
þörfum fólks með stutta skólagöngu sem vill auka færni sína
í upplýsingatækni og til að takast á við breytingar. Námsskrá
fyrir námsleiðina lýsir 150 kennslustunda námi sem er metið
til allt að 12 framhaldsskólaeininga.
Starfsnám á samgangna-, umhverfis- og framkvæmda-
sviði var skrifuð með hliðsjón af greiningu á fræðsluþörf
starfsmanna Umhverfis- og framkvæmdasviðs Reykjavíkur-
borgar sem Mímir-símenntun annaðist samkvæmt samningi
við FA. Námsskráin lýsir 200 kennslustunda námi sem er
metið til allt að 15 framhaldsskólaeininga.
Námsskrárnar hafa allar verið metnar til eininga á fram-
haldsskólastigi. Það opnar möguleika fyrir þá sem ljúka námi
samkvæmt þeim að stytta nám sitt í framhaldsskólum lands-
ins kjósi þeir að hefja nám. Ekki hefur enn gefist möguleiki á
að kanna hversu margir hafa nýtt sér þann möguleika.
Á árinu var jafnframt unnið að námsleið í ensku að
beiðni nokkurra símenntunarmiðstöðva og námsleiðum í
matvælaiðnaði undir forystu Fræðslusjóðsins Starfsafls.
Þróun framsetningar námsskráa er í undirbúningi með
hliðsjón af viðmiðaramma Evrópusambandsins (EQF) og starfi
menntamálaráðuneytisins við íslenskan viðmiðaramma (NQF).
Námsskráin í ensku er tilraunaverkefni að þessu leyti.
Stýrihópur um árangur í lestrar- og skriftarnámskeiðum fyrir fullorðna. Frá vinstri: Snævar Ívarsson, Erla Olgeirsdóttir, Aðalheiður Sigurjónsdóttir, Guðmunda
Kristinsdóttir, Þóra Ásgeirsdóttir og Ingibjörg Elsa Guðmundsdóttir.