Gátt - 2009, Blaðsíða 74

74
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 0 9
Aftur á móti virðist talsvert skorta á stjórnunarlega hæfni en
tveir hæfnisþættir af fjórum fá einungis 3,6 í einkunn eða eru
á aðgerðabili. Þetta þýðir að hér þarf að taka til hendinni og
efla þessa hæfnisþætti.
Ef nánar er rýnt í hvaða færniþættir búa að baki hæfnis-
þættinum forysta og stjórnun kemur eftirfarandi mynd í ljós:
Hér sést að sjálfsmat starfsmanna er í flestum tilfellum
hærra en yfirmanna. Meðaleinkunn í sjálfsmati er 3,8 móti
3,4 hjá yfirmönnum. Ef einstakir færniþættir eru skoðaðir
sést að starfsmenn telja sig ekki vera góða í að gefa fyrirmæli
eða láta aðra vita til hvers er ætlast af þeim (einkunn 3,3) og
yfirmenn gera meira en taka undir það; þeir nánast segja að
þessum færniþætti sé mjög ábótavant og þarfnist verulegrar
styrkingar (einkunn 2,8). Á sama hátt er hægt að skoða
hvaða færniþættir liggja að baki hverjum hæfnisþætti.
En það er ekki alltaf sem sjálfsmatið er hærra en mat yfir-
manna. Þegar skoðaðar eru einkunnir fyrir tengslamyndun
kemur í ljós að yfirmenn gefa að jafnaði hærri einkunn en
kemur í sjálfsmatinu og getur munað þar talsvert miklu.
Þannig virðast yfirmenn telja að undirmenn þeirra búi yfir
góðri færni við að byggja upp víðtækt og áhrifaríkt tengsla-
net, eiga gott með samskipti og nýta sér skopskyn til að liðka
fyrir samskiptum. En í sjálfsmatinu virðist sem þátttakendur
telji talsvert mega vinna í að styrkja þessa þætti.
L O K A O R Ð
Niðurstöðurnar virðast gefa til kynna að styrkja þarf frekar
vissa hæfnisþætti meðal lægsta stjórnendalags í ferðaþjón-
ustunni og sem slíkar leggja grunn að markvissri uppbygg-
ingu þjálfunar sem styrkja mun einstaklingana og þær starfs-
greinar sem rannsóknin nær yfir til að takast á við áskoranir
framtíðarinnar. Þetta er ekki síst mikilvægt þegar haft er í
huga að líklega er hér um að ræða það starfsfólk sem er í
hvað mestum tengslum og samskiptum við viðskiptavini og
því mikilvægt að þetta fólk geti brugðist við af öryggi og fag-
mennsku í daglegum störfum og jafnframt miðlað þekkingu
sinni og reynslu til samstarfsmanna og yfirmanna.
U M H Ö F U N D I N N
Björn Garðarsson er viðskiptafræðingur, fyrrverandi kaup-
maður og starfmaður Fagráðs verslunar- og þjónustugreina.
Hann hefur undanfarið unnið að ýmsum verkefnum sem lúta
að aukinni fræðslu um verslunarstörf til starfandi verslunar-
fólks og að eflingu kennslu í verslunargreinum í framhalds-
skólum.