Gátt - 2009, Blaðsíða 42

42
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 0 9
voru bótaþegar skyldaðir til að mæta. Þessi staðreynd hafði
áhrif á framkvæmd námskeiðanna og skapaði mismunandi
andrúmsloft og viðhorf á stöðunum.
Þ Á T T T A K E N D U R
Á Íslandi voru sett landfræðileg mörk fyrir þátttöku og miðað
við að þátttakendur byggju á Hofsósi eða í nágrenninu sem
skilgreint var nákvæmlega. Að öðru leyti gat hver sem var
yfir 18 ára aldri tekið þátt í verkefninu og talið var kostur að
einstaklingar innan hópsins væru innbyrðis ólíkir þar sem eitt
höfuðmarkmið verkefnisins var að auka skilning og samheldni
innan byggðarlagsins. Þannig sat fiskverkafólk, bankastjóri,
kennarar, bændur, verslunarmenn, atvinnuleitendur, fatl-
aðir og ófatlaðir hlið við hlið og tókust á við verkefnin, alls
65 einstaklingar úr þessu litla 300 manna samfélagi. Aldur
þátttakenda var frá 18 ára til 77 ára en það segir nokkuð til
um viljann til þátttöku og jákvæða afstöðu til verkefnisins á
Hofsósi og í nágrenni. 45 einstaklingar tóku þátt í verkefninu
öll þrjú árin en algengasta ástæðan fyrir brotthvarfi frá nám-
inu var flutningur af svæðinu.
K Y N N I N G – U N D I R B Ú N I N G U R Á
H O F S Ó S I
Ein birtingarmynd þess óöryggis sem fylgir ótryggu atvinnu-
ástandi er tortryggni gagnvart nýjungum og það var ekkert
gefið að íbúar „út að austan“, eins og við segjum í Skaga-
firði, vildu taka þátt í þessu verkefni. Kynning þess var því
vandasöm og mikilvægasta forsenda þess að vel gæti tekist
til var að fólkið mætti jákvætt til leiks eða öllu heldur mætti
til leiks yfir höfuð.
Vesturfarasetrið á Hofsósi.