Gátt - 2009, Blaðsíða 97

97
A F S J Ó N A R H Ó L I
G Á T T – Á R S R I T – 2 0 0 9
vetur. Þar sem tölvu- og upplýsingatækni var stór hluti af
náminu ákvað Oddgeir að slá til þar sem hann taldi sig geta
bætt við sig á því sviði.
Þegar Oddgeir er spurður út í hverjar hafi verið vænt-
ingar til námsins þá svarar hann því til að þær hafi aðal-
lega tengst því að auka færni sína í tengslum við tölvur og
verða sjálfstæðari notandi sem skilaði sér í betri nýtingu á
ýmsu forritum. Oddgeir sagðist hafa verið að upplifa að hann
kunni ýmislegt í sambandi við tölvu- og upplýsingatækni
en var samt sem áður lítið að bæta við sig einhverjum nýj-
ungum. Hann gæti vel bjargað sér en langaði að læra meira
og auka enn við færni sína þannig að þekkingin yrði ekki
einungis miðuð við það sem hann kæmist af með.
Oddgeir sagði að í náminu hafi verið komið á móts við
væntingarnar hans og meira til. Hann viðurkenndi að hann
hefði í fyrstu ekkert verið voða spenntur að setjast á skóla-
bekk þarna um vorið en segist ekki sjá eftir því núna. Fyrir
utan að bæta við færnina í tölvu- og upplýsingatækni þá
fannst Oddgeiri mikilvægt að fara í gegnum færnimöppu og
ferilskrá. Honum fannst mjög gott að sjálfsstyrking væri einn
liður í náminu því allir þurfi á því að halda að styrkja sig á
einn eða annan hátt. Oddgeir nefndi að hann hefði gjarnan
viljað enn meiri þjálfun í að koma fram og auka færni sína í
að markaðssetja sjálfan sig í tengslum við atvinnuleit.
Aðspurður um hvort eitthvað stæði upp úr sagði Oddgeir
það aðallega tengjast því hversu skemmtilegt þetta tímabil
hafi verið og hversu vel hópurinn hafi náð saman. Um var að
ræða ólíka einstaklinga með mismunandi reynslu í farteskinu
en þrátt fyrir það var alveg ljóst frá byrjun að allir sem þarna
voru ætluðu sér að fá sem mest út úr náminu. Jákvæðni, góð
mæting og samviskusemi hafi virkað hvetjandi fyrir hópinn
í heild sinni og fyrir alla sem komu að náminu með einum
eða öðrum hætti. Tölvukennslan var einstaklingsmiðuð sem
var mikill kostur því þannig gátu þeir sem bjuggu yfir meiri
færni farið hraðar yfir en hinir gefið sér aðeins meiri tíma. Að
lokum sagði Oddgeir að gott viðmót starfsfólks og afslappað
umhverfi hafi hjálpað til við að gera þetta að góðum tíma.
Það var um miðjan júní sem síðasti hópurinn útskrifaðist
frá Skólaveginum, húsinu sem hefur þjónað okkur svo vel í
gengum árin og var vel við hæfi að þar færi þessi jákvæði og
glæsilegi hópur úr námsleiðinni Sterkari starfsmaður.
U M H Ö F U N D I N N
Anna Lóa Ólafsdóttir starfar sem verkefnastjóri og náms- og
starfsráðgjafi hjá Miðstöð símenntunar á Suðurnesjum. Hún
hefur B.Ed.-próf frá Kennaraháskóla Íslands, próf í náms- og
starfsráðgjöf frá Háskóla Íslands auk eins árs í trúarbragða-
fræði við guðfræðideild HÍ. Anna Lóa er í mastersnámi í
náms- og starfsráðgjöf við HÍ.