Gátt - 2009, Blaðsíða 17

17
F A S T I R L I Ð I R
G Á T T – Á R S R I T – 2 0 0 9
þau verkefni að mestu lotið að nýrri aðalnámsskrá fram-
haldsskóla. Í lok ágúst staðfesti menntamálaráðuneytið nýja
tveggja ára námsskrá, „Starfsnám þjónustu í skrifstofu- og
verslunargreinum“, sem skiptist annars vegar í grunnnám og
síðan velja nemendur sér ýmist skrifstofubraut eða verslunar-
braut.
Eins og heiti námsins gefur til kynna er um starfsnám
að ræða og hefur FVÞ í samstarfi við Mími-símenntun unnið
ferilmöppur fyrir nemendur til nota í starfsnáminu. Þá útbjó
FVÞ námskeiðspakka fyrir verðandi leiðbeinendur í starfs-
námi. Auk þess hefur verið unnið að kynningu á náminu
meðal fyrirtækja. FVÞ hefur verið í góðu sambandi við fram-
kvæmdaaðila námsins og aðstoðað nemendur við að finna
sér fyrirtæki til að stunda starfsnámið hjá, auk þess að vera
einstaka fyrirtækum innan handar við framkvæmd þess.
ReTAiL (Retal Management for Adults in Lifelong Learn-
ing) er verkefni á vegum menntaáætlunar Evrópusam-
bandsins. Verslunarskóli Íslands leiðir verkefnið en FVÞ er
þátttakandi fyrir milligöngu FA. Auk Íslendinga taka Finnar
og Skotar þátt í verkefninu. Markmið verkefnisins er gerð
rafræns námsefnis til kennslu í verslunarstjórnun. Er hér um
yfirfærsluverkefni að ræða sem byggist á að nýta fyrirliggj-
andi hugmynda- og aðferðafræði til gerðar námsefnis sem
nýtist öllum þátttökulöndunum.
FVÞ hefur í samstarfi við Rannsóknarsetur verslunarinnar
og Capacent unnið að rannsókn á menntaþörf meðal lægstu
stjórnenda í þjónustufyrirtækjum. Rannsóknin er unnin með
styrk frá Starfsmenntaráði og stýrt af Rannsóknarsetri versl-
unarinnar. Sjá grein Björns Garðarssonar í Gátt.
Verslunarfagnám var kennt af Mími-símenntun veturinn
2008–2009 og útskrifuðust átta nemendur vorið 2009. Þar
var í fyrsta sinn beitt aðferðum raunfærnimats til að meta
starfsþekkingu nemendanna. FVÞ vann með Mími-símenntun
að undirbúningi og framkvæmd matsins.
Í kjölfar uppsagna starfsmanna hjá nokkrum verslunar-
fyrirtækum síðastliðinn vetur fór FVÞ í samstarfi við Mími-
símenntun og að ósk nokkurra fyrirtækja í skipulagðar
heimsóknir þar sem kynnt var ókeypis námsráðgjöf fyrir
alla starfsmenn auk þess sem FVÞ kynnti Starfsmenntasjóð
verslunar- og skrifstofufólks og nokkrar af þeim námsleiðum
og námskeiðum sem í boði eru og styrktar eru af sjóðnum.
Alls voru yfir 100 vinnustaðir heimsóttir og rætt við á sjötta
hundrað manns.
U M H Ö F U N D I N N
Ingibjörg Elsa Guðmundsdóttir er framkvæmdastjóri Fræðslu-
mið stöðvar atvinnulífsins. Hún hefur B.A.-próf í sálfræði,
kennsluréttindi frá HÍ, M.Ed.-próf í kennslufræðum frá
Harvard-háskóla í Bandaríkjunum og framhaldsmenntun í
fullorðins fræðslu frá Háskólanum í Linköping í Svíþjóð. Ingi-
björg hefur unnið við fullorðinsfræðslu frá 1985 við stjórnun,
kennslu og skipulagningu, m.a. hjá Menningar- og fræðslu-
sambandi alþýðu og Tómstunda skólanum. Hún hefur einnig
tekið þátt bæði í evrópskum og norrænum samstarfsverk-
efnum á sviði fullorðinsfræðslu og starfs menntunar.