Gátt - 2009, Síða 79

79
F U L L O R Ð I N S F R Æ Ð S L A O G S T A R F S M E N N T U N
G Á T T – Á R S R I T – 2 0 0 9
N I T U S , T E N G S L A N E T S Í M E N N T U N A R M I Ð S T Ö Ð V A
S V E I T A R F É L A G A Í S V Í Þ J Ó Ð
KARIN BERKÖ
Síðan þá hefur mikið vatn runnið til sjávar. Um þessar mundir
eru samtals 137 sveitarfélög aðilar að netinu, allt frá Kiruna í
nyrsta hluta Svíþjóðar til Ystad í suðri. Verkefnin snúast sem
fyrr aðallega um að gera æðri menntun aðgengilega fyrir
alla óháð búsetu og félagslegri stöðu en einnig um ýmislegt
annað. Flestallar símenntunarmiðstöðvarnar, sem eru í
Nitus, eru í farsælu samstarfi við fræðasetur háskólanna en
þau telja símenntunarmiðstöðvarnar mikilvægan aðila við að
laða að námsmenn sem kjósa að leggja stund á fjarnám.
Áður fyrr höfðu fræðasetur háskólanna ákveðna tilhneig-
ingu til þess að telja símenntunarmiðstöðvarnar sem sam-
keppnisaðila en nú er frekar litið á þær sem viðbótartilboð. Á
símenntunarmiðstöðvunum er hægt að stofna til námshópa,
þar stendur öllum námsmönnum til boða námsumhverfi og
þeir geta sótt stuðning, bæði tæknilegan og félagslegan.
Rannsóknir sýna að hlutfallslega fleiri námsmenn, sem velja
að leggja stund á nám við símenntunarmiðstöð, ljúka námi
en þeir sem kjósa að sitja heima.
G Æ Ð A V I Ð M I Ð
Hvers vegna tóku símenntunarmiðstöðvarnar í Nitus upp
samstarf við fræðasetur háskólanna? Jú, vegna þess að
ævinlega hefur mikil áhersla verið lögð gæðamál í Nitus. For-
senda aðildar að Nitus er að símenntunarmiðstöðin uppfylli
ákveðin gæðaviðmið (sbr. heimasíðu netsins). Á árinu 2008
hertum við viðmiðin og báðum alla aðilana að framkvæma
sjálfsmat sem lýsir gæðastarfi miðstöðvarinnar, bæði því
sem beinist að námsmönnum og fræðasetrum háskólanna
og hvernig stöðvarnar hyggjast þróa starfið. Þetta var gert
með það að leiðarljósi að tryggja námsmönnum og öðrum
neytendum gæði.
Aðild að Nitus tryggir gæði, nýj-
ustu tækni og persónulega þjónustu
við þá sem notfæra sér símenntun-
armiðstöðvarnar. Uppfylli viðkom-
andi miðstöð gæðaviðmiðin fær hún
merki til staðfestingar því að um er að ræða gæðavottaða
símenntunarmiðstöð sem er aðili að Nitus.
S T A R F S E M I N I T U S
Í stjórn sitja 8 framkvæmdastjórar, jafnmargir varamenn auk
oddamanns. Framkvæmdastjórarnir eru hvaðanæva úr Sví-
þjóð til þess að tryggja að símenntunarmiðstöðvar í öllum
landshlutum eigi sinn fulltrúa.
Stjórnin kemur saman einu sinni í mánuði, oftast með
fjarfundarbúnaði en stundum hittist hún einnig á raunveru-
legum fundum. Þá miðlum við okkar á milli því sem efst er
á baugi í mismunandi landshlutum svo að við höldum okkur
vel upplýstum. Tvisvar á ári stöndum við fyrir landsþingum
sem venjulega fara fram hjá einhverri símenntunarmiðstöð
sem hefur lýst yfir áhuga á að halda þingið. Það er fyrst og
fremst á þessum viðburðum sem félögunum gefst tækifæri
til þess að hafa áhrif á val og forgangsröðun verkefna. En
þingin eru ekki síður til þess ætluð að gefa fólki tækifæri á að
hittast og skiptast á reynslu. Þegar allt kemur til alls þá eru
það félagarnir sem eiga að sjá stjórninni fyrir verkefnum og
láta vita hvað þeir telja að sé mest aðkallandi.
Í Nitus eru vinnuhópum falið að leysa ákveðin verkefni
og eins og í stjórninni sitja í þeim félagar í netinu. Þegar
þetta er skrifað eru 7 vinnuhópar virkir.
Nitus var stofnað árið 1996. Nafnið Nitus var myndað úr skammstöfun Nätverket för IT-
baserad Utbildning via lokala Studiecentra, lauslega snarað á íslensku: Tengslanet símennt-
unarmiðstöðva sem bjóða upp á nám sem er stutt upplýsingatækni. Í upphafi netsins var
tilgangurinn að gera æðri menntun aðgengilega fyrir sveitarfélögin til þess að gera nem-
endum kleift að búa áfram í heimahögum þótt þeir legðu stund á nám á háskólastigi. Nitus
varð dreifingaraðili æðri menntunar til sveitarfélaganna. Verkefnið er enn þá það sama
en undirtitillinn þótti of langur og hefur verið breytt í tengslanet símenntunarmiðstöðva
sveitar félaganna.
Karin Berkö