Gátt - 2009, Síða 80

80
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 0 9
H E I M A S Í Ð A N O G U P P L Ý S I N G A -
M I Ð L U N
Vinnuhópurinn, sem sér um vefinn, sér um að uppfæra
heimasíðuna reglulega og gefur einnig út fréttabréf einu sinni
í mánuði um hvaðeina sem lítur að starfseminni. Í fréttabréf-
inu er einnig komið á framfæri stuttum upplýsingum um það
sem fór fram á síðasta stjórnarfundi. Á þennan hátt er öllum
meðlimum auðveldað að fylgjast með og þeir eru sérstaklega
þakklátir fyrir þennan þátt starfseminnar.
Í hópi talsmanna/viðhorfsmótenda er unnið að því að
gera símenntunarmiðstöðvarnar sýnilegri fyrir ráðuneytum,
stjórnvöldum og öðrum sem kunna að hafa áhuga á starfi
þeirra. Eftir öll þessi ár er enn þá unnið ötullega að því að
bæta stöðu miðstöðvanna sem fræðsluaðila. Nitus-miðstöðv-
arnar eru eins konar útibú frá háskólunum og sjá til þess að
færniþróun eigi sér stað úti í sveitarfélögunum.
M Á L Þ I N G O G V I N N U H Ó P A R
Nitus skipuleggur og heldur málþing um þemu sem eru
áhugaverð fyrir meðlimina. Fram undan á dagskránni er mál-
þing sem fjallar um hvernig best er að bera sig að við notkun
fjarfundarbúnaðar. Það hefur notið svo mikilla vinsælda að
til stendur að halda það á þremur öðrum stöðum bráðlega.
Fleiri áhugaverð málþing eru á döfinni á þessu ári.
Í markaðssetningarhópnum er unnið að því að mark-
aðssetja Nitus og símenntunarmiðstöðvarnar í mismunandi
samhengi, á ráðstefnu, málþingum og ýmsum annars konar
opinberum viðburðum.
Gæðahópurinn hefur undanfarið unnið við áðurnefnt
sjálfsmat. Í Nitus er lögð sérstök áhersla á gæðastarf og það
telst til lykilþátta.
D A G U R S Í M E N N T U N A R M I Ð S T Ö Ð V -
A N N A
Árið 2008 stóð Nitus í fyrsta skipti fyrir degi símenntunarmið-
stöðva um alla Svíþjóð. Frumkvæðið að honum er dæmigert
fyrir verkefni sem kom fram á landsþingi. Netráðstefna, sem
send var í streymi til þess að allir gætu tekið þátt, var haldin
2. apríl síðastliðinn. Nú er í undirbúningi að gera þetta að
föstum lið í starfsemi Nitus. Á árinu 2009 verður komið af
stað pallborðsumræðum um breytingar á degi símennt-
unarmiðstöðva í Svíþjóð sem haldinn verður og sendur út
frá Nyköping, væntanlega með þátttöku stjórnmálamanna,
embættismanna og fagaðila sem eru í fararbroddi. Aðilar að
Nitus geta fylgst með viðburðinum frá eigin miðstöð.
S V Æ Ð I S S K I P T I N G
Sú hefð hefur skapast að Nitus skiptist í landfræðileg svæði
og hvert svæði hefur kallað til funda. Á síðasta landsþingi
var spurningunni um það hvernig standa bæri að skiptingu
svæða varpað fram. Einhugur virtist ríkjandi um nothæfa,
virka svæðisskiptingu, flestir óska eftir að vera í samstarfi við
það sveitarfélag eða svæði sem hefur mestri reynslu að miðla
og viðkomandi vinnuhópur vinnur nú við skiptingu í hópa.
A L Þ J Ó Ð L E G S T A R F S E M I
Samkvæmt lögum um starfsemi Nitus eiga samtökin einnig
að vinna að alþjóðlegum samskiptum. Samstarf við Skota
lagði grundvöll að gæðastarfi sem þegar hefur verið vikið
að, sjálfsmat og gæðamerki. Næst á dagskrá er tilboð um
að taka þátt í verkefni á vegum NVL á Norðurlöndunum um
sveigjanlegt nám og tækni sem Nitus hefur þegar samþykkt.
Þá er verið að leita samstarfs við Ítali þar sem ætlunin er að
skiptast á reynslu af sveigjanlegu námi.
Vefsíða Nitus á slóðinni www.nitus.se hefur nýlega verið
uppfærð. Stöðugt er unnið að uppfærslu síðunnar. Stefnt er
að því að heimasíðan verði vettvangur félaganna þar sem
hægt verður að skiptast á upplýsingum um hvaðeina sem er
fer fram í mismunandi svæðum og sveitarfélögum.
S A M S T A R F V I Ð Y F I R V Ö L D
Á undanförnum árum hefur Nitus unnið með stjórnvöldum
Miðstöð sveigjanlegs náms í Svíþjóð, (CFL, sjá umfjöllun í
Gátt 2005) og Net um samvinnu og þróun æðri menntunar í
Svíþjóð (NSHU). Nitus hefur hrint í framkvæmd fjölda verk-
efna, haldið ráðstefnur og málþing og þegið fjárframlög í