Gátt - 2009, Síða 95

95
A F S J Ó N A R H Ó L I
G Á T T – Á R S R I T – 2 0 0 9
unar, í hverju þjónusta náms- og starfsráðgjafar felst, veitt
innsýn í fjölbreytileika námsframboðs fyrir fullorðna og upp-
lýsingar um styrki fræðslu- og starfsmenntasjóða. Þá voru
veittar ýmsar upplýsingar sem tengjast atvinnumissi, s.s. um
atvinnuleysisbætur og möguleika á að stunda nám án þess
að skerða bætur. Í framhaldi af kynningunum var boðið upp
á einstaklingsviðtöl fyrir þá sem vildu og þá gátu þeir fengið
nánari aðstoð eins og t.d. við gerð ferilskrár. Markmið með
ráðgjöfinni var m.a. að veita upplýsingar um námskeið og
námsleiðir til að styrkja persónulega færni, kynna möguleika
á styrkjum úr fræðslusjóðum og aðstoða við að setja mark-
mið og áætlanir. Einnig var veitt aðstoð við að takast á við
breytingar á vinnumarkaði, veittar upplýsingar um réttindi og
skyldur við atvinnumissi. Margir starfsmenn nýttu sér þetta
og voru mjög ánægðir þrátt fyrir erfiðar aðstæður og var
boðið upp á þessa þjónustu í öllum verslunum Húsasmiðj-
unnar um land allt.
F R A M T Í Ð I N
Mikilvægt er að fyrirtæki lagi sig að aðstæðum og er það
markmið Húsasmiðjuskólans að bjóða upp á námskeið
kennslu og þjálfun í takt við þarfir starfsmanna og fyrirtæk-
isins hverju sinni. Framundan eru tímar uppbyggingar og
mikilvægt að stuðla að símenntun starfsmanna með reynslu.
Í dag er staðan sú að Húsasmiðjan hefur yfir að ráða góðum
hópi starfsmanna með mikla þekkingu og starfsreynslu og er
markmið Húsasmiðjuskólans í vetur að sinna þörfum þessa
hóps. Áhersla verður í auknum mæli lögð á einstaklingsmið-
aða þjálfun auk þess sem áherslur fyrirtækisins verða kynntar
í Húsasmiðjuskólanum fyrir starfsfólk. Kennarar Húsasmiðju-
skólans munu verða meira á faraldsfæti þetta árið og fara á
milli verslana og sinna einstaka starfsmönnum eftir þörfum
og veita þá þjálfun sem hver og einn óskar eftir og á þarf að
halda.
Þekking og þjálfun er forsenda þess að geta tekið þátt í
breytingum og mun Húsasmiðjuskólinn leggja áherslu á að
efla þekkingu, starfsanda og samstöðu og leita leiða til að
fyrirtækið haldi áfram að vaxa og dafna.
U M H Ö F U N D I N N
Höfundur er starfsmannastjóri Húsasmiðjunnar og hefur
starfað við starfsmannastjórn frá árinu 1999. Auk starfs-
mannastjórnunar starfaði hún sem stundakennari við
Menntaskólann í Kópavogi og Ferðamálaskóla Íslands á
árunum 1999–2004. Hún er með B.Ed.-próf frá Kennarahá-
skóla Íslands og MBA-próf frá Háskóla Íslands. Þá hefur
hún lokið diplómaprófi í markaðs- og útflutningsfræðum
frá Háskóla Íslands. Enn fremur hefur höfundur starfað sem
formaður fagnefndar SVÞ um fræðslumál frá 2006. Elín Hlíf
hefur séð um fræðslumál í Húsasmiðjunni frá árinu 2004
þegar hún hóf störf sem starfsþróunarstjóri fyrirtækisins.