Morgunblaðið - 05.05.1999, Blaðsíða 36

36 MIÐVIKUDAGUR 5. MAÍ 1999
MORGUNBLAÐIÐ
Gallerí Lista-
kot kynnir
nýja meðlimi
NÚ stendur yfir kynning á nýjum
meðlimum á 2. hæð í Galleríi Lista-
koti, þeim Kristínu Blöndal og Ingi-
björgu Hauksdóttur.
Kristín og Ingibjörg útskinfuðust
báðar úr MHÍ árið 1992 og hafa
haldið einkasýningar og samsýning-
ar áður.
Gallerí Listakot, Laugavegi 70, er
opið alla virka daga frá kl. 12-18 og
laugardaga frá kl. 11-16. Sýningin
stendur til 6. maí.
--------------
Síðasti lestur
vetrarins í
Gerðarsafni
RITLISTARHÓPUR Kópavogs lýk-
ur vetrarstarfi sínu á morgun,
fimmtudag. Pá mun Kópavogsskáld-
ið Steinþór Jóhannsson lesa úr nýrri
ljóðabók sinni í kaffistofu Gerðar-
safns. Bókin heitir Eftirhermur og
er hún sjötta ljóðabók skáldsins.
Dagskráin stendur frá kl. 17-18 og
er aðgangur ókeypis.
Svíþjdð. Morgfimblaðið.
UPPFÆRSLA Benedikts Erlings-
sonar á Sumargestum eftir Maxim
Gorkí vekur athygli í Svíþjóð. Svip-
mikið drama í skerjagarðinum; Þétt
dramatík; Sterkt um lífsþreytta
baðdjöfla. Þannig hljóða yfirskriftir
þar sem sænskir leiklistar-
gangrýnendur fjalla um uppfærsl-
una.
Sýningin er lokaverkefni tólf
nemenda við leiklistarháskólann í
Málmey og í blaðadómum má lesa
lof bæði um sýninguna í heild og
frammistöðu hinna ungu leikara.
Benedikt er ekki aðeins leikstjóri
sýningarinnar, einnig leikmyndin er
hans hugverk. Um er að ræða
þriggja tíma verk á Teater
Fontanen, leikgerð sem byggist á
annarri lengri leikgerð eftir leik-
stjórann Peter Stein og leikritahöf-
undinn Botho Strauss.
Það sem meðal annars vekur at-
hygli er hve sýningin reynist nú-
tímaleg með þeim áherslum sem
vaxa fram í uppfærslu Benedikts.
„Svolítið einfaldað, verður hún á
stundum eins konar rússneskt Lars
Norén-drama“, skrifar Johan Pers-
son, menningarpenni í Trelleborg.
„Benedikt Erlingsson, þrítugur
leikari, handritshöfundur og leik-
stjóri frá Islandi hefur sett upp sýn-
inguna með frjórri hugkvæmni og
LISTIR
Benedikt Erlingsson leikstýrir í Málmey
„Svipmikið
drama í skerja-
garðinum“
glöggskyggni. Hún
ber með sér um-
hyggju fyrir smáatrið-
um, sem ég met mikils
og gott flæði, nema þá
helst í fyrsta þætti
sem bersýnilega hefur
valdið hugarangri ef
dæma má af dagbók-
arblöðum sem líta má
í forsalnum." Á þá leið
skrifar leiklistargagn-
rýnandinn Guje Matt-
isson og áherslan að
hennar dómi liggur í
spumingunni stóru:
Hvernig ber okkur að
lifa?
Af sviðinu og opnun
Benedikt Erlingsson
verksins gefur hún
eftirfarandi lýsingu:
„Sviðið er staðsett
íyrir miðju og lítur út
eins og trébryggja
umlukin bláu vatni.
Við ákafa tónlist
„synda“ leikararnir (í
baðfötum dæmigerð-
um fyrir tímann) fram
hjá áhorfendum og út
aftur áður en þeir
safnast saman með
körfur og teppi á
ströndinni fyrir utan
sumarhús Baskov-
hjónanna.“
Ulf Persson hjá
Skánska Dagblaðinu
er hvað grimmastur gagnrýnenda,
þykir sviðsmyndin m.a. gefa tak-
markaða möguleika á dramatískri
sviðslýsingu og áhrifai'ík byrjun
lofa meiru en efnt er. Hann á erfitt
með að sætta sig við að leikararnir
eru ekki eldri en þeir eru og líta
ekki einu sinni út fyrir að vera það.
Að hans mati næst þó engu að síður
skerpan, djúpið og hinn dramatíski
þéttleiki eftir hlé syo unun verður á
að horfa og hlýða. I niðurlaginu seg-
ir hann þó að „þrátt fyrir atuga-
semdirnar eru Sumargestir býsna
áhugaverð sýning."
Aðrir eru því hrifnari bæði af
leikmyndinni og því hvernig leik-
stjórinn laðar fram sannfæringar-
kraft í 95 ára gamalt leikrit með
hinum ungum leikurum nálægt nýj-
um aldamótum. Bo Lundin hjá
Kvállsposten skrifar: „Sem betur
fer er hvergi að finna grápúðraða
hárkollu, engan vattmaga né heldur
málaða hrukku /.../ Hinn íslenski
leikstjóri lætur aldursmuninn sem
liggur i hlutverkunum hreinlega
eiga sig og við áhorfendur tökum
með þökkum á móti sterkri sýningu
gæddri æskuþrótti, sýningu um
miðaldra lífsleiða og veika óró íyrir
byltingu.“
Sýningin er leikin nánast daglega
á Teater Fontanen í Málmey til og
með 11. maí næstkomandi.
Morgunblaðið/Rax
MENNINGARHUS Grænlands í Katuaq. Myndin var tekin vid opnunina í febrtíar 1997.
Islensk menningar-
kynning á Grænlandi
ÍSLENSKIR menningardagar hefj-
ast í Katuaq, menningarhúsi Græn-
lands, í dag, miðvikudag og stendur
í þrjá daga. Þar verður m.a. kynnt
tónlist, myndlist, bókmenntir,
brúðuleikhús, kvikmyndir og matar-
gerð.
. Frú Vigdís Finnbogadóttir heldur
hátíðarræðu og opnar íslandsdag-
ana en hún situr í alþjóðlegri nefnd
til styrktar Katuaq-menningarhús-
inu.
Margir listamenn taka þátt í ís-
landsdögunum sem hefjast með sýn-
ingu á málverkum eftir Erró, sem
Eiríkur Þorláksson, forstöðumaður
Kjarvalsstaða, valdi og hefur umsjón
með. Tvær aðrar sýningar verða
einnig opnaðar; ljósmyndasýning
sem sýnir Reykjavík fyrr og nú og
söguleg sýning frá landnámi Islands
til fullveldis, sem Eggert Þór Bem-
harðsson sagnfræðingur setti saman
og skrifaði skýringartexta, sem snú-
ið hefur verið á grænlensku.
íslensk tónlist verður flutt af Tríói
Reykjavíkur en það skipa Peter
Maté, Guðný Guðmundsdóttir og
Gunnar Kvaran. Sólrún Bragadóttir
söngkona og Þórarinn Stefánsson pí-
anóleikari flytja íslensk sönglög.
Tónlistarfólkið kemur einnig fram á
tónleikum með íslenskri tónlist á
fimmtudagskvöldið.
Náttúra íslands
Ari Trausti Guðmundsson jarð-
eðlisfræðingur heldur fyrirlestur
um náttúru íslands og eldvirkni og
hann heimsækir líka skóla og fræðir
nemendur um Island.
Þórunn Sigurðardóttir, stjórn-
andi Reykjavík menningarborg
Evrópu, flytur kveðju frá Reykja-
vík.
Tónlistarmennimir Egill Ólafs-
son, Björn Thoroddsen, Ásgeir
Óskarsson og Gunnar Hrafnsson
verða sérstakir fulltrúar Reykjavík-
ur menningarborgar á þessum Is-
landsdögum. Þeir flytja tónlistar-
dagskrána Heimsreisa Höllu, sem
er byggð á íslenska þjóðlaginu
Ljósið kemur langt og mjótt. Þeir
félagar spila með grænlenskum tón-
listarmönnum á lokahátíðinni,
fóstudaginn 7. maí.
Hallveig Thorlacius verður með
sýningar á Sögusvuntunni fyrir
börn. Þrjár íslenskar kvikmyndir
verða sýndar; Börn náttúrunnar,
Popp í Reykjavík og Benjamín
dúfa.
Islenskar bókmenntir
Islenskum bókmenntum verða
gerð skil með fyrirlestri Kristínar
Bragadóttur, forstöðumanni þjóð-
deildar Landsbókasafns - Háskóla-
bókasafns, um miðaldabókmenntir
sem sækja sögusvið sitt til Græn-
lands. Einnig verður sýning á hand-
ritum, bókum og landakortum sem
tengjast fyrirlestrinum og eru í eigu
Landsbókasafns - Háskólabóka-
safns.
íslenskur matur, sem Guðmund-
ur Ragnarsson matreiðslumaður
sér um að framreiða, verður á
boðstólum ásamt grænlenskum
réttum.
Gjöf til nýrrar
menningarstofnunar
Þegar Katuaq var opnað í mars-
mánuði 1997, ákvað stjórn Norræna
hússins í Reykjavík að færa hinni
nýju menningarstofnun að gjöf dag-
skrá þar sem íslensk menning á
breiðum grunni yrði kynnt ná-
grönnunum í vestri. Riitta
Heinámaa, forstjóri Norræna húss-
ins, fékk þetta verkefni í hendur
þegar hún tók til starfa í ársbyrjun
1998. Undirbúningur hefur staðið
yfir í nokkra mánuði í samstarfi við
marga aðila, m.a. Kjarvalsstaði,
Reykjavík menningarborg 2000,
Landsbókasafn íslands - Háskóla-
bókasafn og fleiri. Skipuð var undir-
búningsnefnd og áttu sæti í henni
Vigdís Finnbogadóttir, Sveinn Ein-
arsson og Riitta Heinamaa og var
Málfríður Finnbogadóttir ráðin
verkefnisstjóri.
Jan Klovstad, forstjóri Katuaq,
og Juakka Lyberth hafa undirbúið
Islandsdagana í Grænlandi í sam-
vinnu við Norræna húsið. Mennta-
málaráðuneyti íslands hefur veitt
styrk til Islandskynningarinnar.
Auk þess hafa Eimskip, Teater og
dans i Norden, Napa, Gronlandsfly
og fleiri aðilar veitt styrki.
Upplýsingamiðstöð myndlistar
Starf forstöðu-
maims laust til
umsóknar
STARF forstöðumanns Upplýs-
ingamiðstöðvar myndlistar hefur
verið auglýst laust til umsóknar.
Hlutverk Upplýsingamiðstöðvar-
innar er tvíþætt, að sögn Hrafnhild-
ar Þorgeirsdóttur, fráfarandi for-
stöðumanns. Annars vegar upp-
bygging og rekstur gagnagrunns
um íslenska myndlistarmenn og
verk þeirra og hins vegar upplýs-
ingamiðlum fyrir myndlistarmenn
um styrki, skóla, störf, alþjóðlegt
samstarf o.fl.
Á síðastliðnum þremur árum hef-
ur verið unnið að því að byggja upp
gagnagrunn um íslenska myndlist-
armenn og í nóvember sl. var opn-
aður vefur á Netinu þar sem þær
upplýsingar voru gerðar aðgengi-
legar almenningi. Gagnagi'unninn
er að finna á vefslóðinni
http://www.umm.is. Þar eru nú
komnar inn upplýsingar um nærri
300 núlifandi íslenska myndlistar-
menn og sýnishorn af verkum
þeirra. Næsta verkefni er að sögn
Hrafnhildar að að taka inn verk eft-
ir látna myndlistarmenn og upplýs-
ingar um þá og er hafið samstarf við
erfingja og höfundarréttarhafa í því
sambandi. Hún segir að viðtökur við
vefnum hafi verið mjög góðar og
hann mikið notaður.
Markmið Upplýsingamiðstöðvar
myndlistar er að hægt sé að skoða á
einum stað kynningarefni um alla
íslenska myndhöfunda og að halda
áfram að safna efni í myndverka-
banka um íslenska myndlist. Vænst
er samstarfs við söfn og aðra alila
sem eiga myndefni, svo hægt sé að
samnýta vinnu við skönnun mynda
og skráningu efnis. Hrafnhildur
segir markmiðið að koma öllu þessu
efni í einn miðlægan gagnagi'unn
aðgengilegan almenningi með fjöl-
breyttum leitaraðgangi.
Umsóknarfrestur um starf for-
stöðumanns rennur út á morgun, 6.
maí. I auglýsingunni segir að æski-
legt sé að umsækjendur hafi mennt-
un í bókasafns- og upplýsingafræði,
hafi tök á beitingu upplýsingatækni
og almennum skrifstofustörfum. Að
auki er þess krafist að umsækjend-
ur hafi gott vald á íslenskri tungu
og þekkingu á íslenskri myndlist og
myndlistarsögu.
Myndlistarnámskeið
fyrir börn og unglinga
í JÚNÍMÁNUÐI mun Myndlista-
skólinn í Reykjavík bjóða upp á
stutt námskeið fyrir börn og ung-
linga, þar sem fengist verður við
margvísleg viðfangsefni sem snerta
náttúru og menningu.
I fyrravor bauð skólinn bömum
og unglingum að taka þátt í nám-
skeiði, sem haldið var í samvinnu
við listahátíð í Reykjavík og unnu
börnin þá undir áhrifum frá menn-
ingu Afríku- og Asíuþjóða og lauk
námskeiðinu með því að börnin krít-
uðu litskrúðugar myndir undir ber-
um himni á hafnarbakka Reykjavík-
urhafnar.
Að þessu sinni verður unnið með
margvísleg efni, hefðbundin sem
óhefðbundin, þjóðleg sem alþjóðleg.
Náttúra næsta nágrennis verður
innblástur námskeiðanna en inn
fléttast umhverfi og menning fjar-
lægra staða. Sérhæft myndlistar-
bókasafn skólans verður opið fyrir
þátttakendur, segir í fréttatilkynn-
ingu.
Leiðbeinendur námskeiðanna eru
reyndir myndlistarmenn og kennar-
ar barnadeilda skólans.
Frá 17. maí til 4. júní mun skólinn
einnig bjóða upp á styttri kvöld-
námskeið fyrir 16 ára og eldri, byi'j-
endur sem lengra komna. Kennt
verður þrisvar í viku, í þrjár vikur.
Um er að ræða módelteikningu,
vatnslitun, portrettmálun, keramik-
rennslu og listasögu.
Kennarar verða Ingólfur Örn
Ai'narson, Valgerður Bergsdóttir,
Svanborg Matthíasdóttir, Þorri Hr-
ingsson, Guðbjörg Káradóttir, Aðal-
steinn Ingólfsson og Eggert Pét-
ursson.
Öll námskeiðin fara fram í hús-
næði skólans á Hringbraut 121, JL-
húsi, 2. hæð.