Ársrit Hins íslenska fræðafjelags í Kaupmannahöfn - 01.01.1916, Blaðsíða 106
oó
Vinsælt sögurit
til grafarinnar og lýsir í áttunda bindinu fæðingu og
skírn, í hinu níunda trúlofunum, í hinu tíunda undirbún-
ingi undir brúðkaup, í hinu ellefta brúðkaupi og brúð-
kaupsveislum, í hinu tólfta hjónabandi og siðferði, í hinu
þrettánda lífsbjarmanum, þ. e. í hvaða birtu líftð stóð
fyrir mönnum á 16. öldinni, og í fjórtánda bindinu æfi-
lokum manna, greftrun og erfisdrykkjum.
Jafnframt því sem Troels-Lund lýsir öllu hinu dag-
lega lífi á síðari hluta 16. aldar, hefur hann í huga,
hvernig það var áður, og rekur upptökin að ýmsu langt
aftur í tímann. Einnig gefur hann eftirtíðinni við og við
auga. Pá er fyrstu bindin komu út, brugðu sumir sagn-
fræðingar höfundinum um, að hann vantaði nægilega
þekkingu, en hann sökti sjer æ dýpra og dýpra niður í
rannsóknir um efni sitt. Hann fekk fullkomið vald á því
öllu, þótt það sje harðla margbrotið og óteljandi smá-
muna að gæta*. Hann kann og manna best að lesa
mikið úr litlum upplýsingum og örstuttum skírteinum.
Hann er auðugur í anda og hugkvæmur. Frásögn hans
er snildarleg. Hann tók líka miklum framförum á með-
an hann var að semja þetta mikla rit. Málið er prýði-
lega vandað, lipurt, en þó eigi ætíð látlaust, orðavalið
heppilegt og fagurt, samlíkingar skýrar og smellnar. Höf-
undurinn er líka hnyttinn, og frásögn hans öll ber vitni
um glaðlyndi, og er því skemtileg og yndisleg.
Áður hafði verið ritað harðla lítið um þetta efni, svo
að flest var nýtt fyrir mönnum, sem höfundurinn sagði.
Margt varskringilegt og undarlegt, einfeldnislegt og hlægilegt.
Eað er því ekki að undra, að sögurit þetta yrði vinsælt,
er menn fóru að kynnast því, og það því fremur, sem
margir á Norðurlöndum, rjett á þeim tíma, er það byrj-
aði að koma út, voru farnir að tala um að leggja ætti
miklu meiri stund á menningar sögu, en gert hefur verið.
Fornmenjarannsóknir í Danmörku höfðu líka vakið al-