Árbók Landsbókasafns Íslands - Nýr flokkur - 01.01.1991, Page 96

96
ÓLAFUR PÁLMASON
an Snorra Hjartarsonar skálds og þáverandi borgarbókavarðar og
hafði bókavarðarstarfið með höndum í 27 ár, unz hann lét af því
fyrir aldurs sakir 1980. í Borgarbókasafni var Páll lengst af sal-
vörður á lestrarsal, þar sem hann naut sín einkar vel sakir mikillar
þekkingar á bókum, áskapaðrar hjálpfýsi og fágaðs viðmóts. Eftir
1980 gegndi Páll ekki föstu starfi, en vann þó um tíma hjá Orlygi
Hálfdanarsyni við bókaforlag hans. A síðari árum hafði Páll
Jónsson aflað sér svo staðgóðrar jrekkingar á íslenzkri bókfræði og
þjálfað svo skyn sitt á vcrðlag bóka, að hann þótti allra rnanna bezt
til þess fallinn að fást við matsgerðir, þar scm söfn voru annars
vegar og meta þurfti bækur til sannvirðis. Eg hygg, að þó nokkuð
af tíma hans hafi farið til slíks síðari árin, eftir að hann lét af
bókavarðarstarfi.
Þótt Páll væri mörgum Reykvíkingum og einkum gestum Borg-
arbókasafns kunnur af störfum sínum þar, má þó fullyrða, að
hann hafi öðru fremur verið þekktur af hjáverkum sínum, en þau
voru af þrennum toga, ljósmyndun, störf að ferðamálum og
bókasöfnun.
Ljósmyndun hóf Páll, þegar hann var setztur að í Reykjavík við
verzlunarstörf. Hann náði brátt slíkum tökum á þcirri list, að
athygli vakti, og sægur mynda eftir hann hefur birzt í bókum og
tímaritum. Ljósmyndun tengdist líka áhuga Páls á ferðalögum, og
studdi þar hvað annað. Ferðalög og útivera var meðal kærustu
hugðarefna hans. Sumarið 1936 ferðaðist Páll um Mið-Evrópu,
Þýzkaland og Sviss, þar sem liann fór um á reiðhjóli sínu, kynntist
farfuglaheimilum og gisti á þeim. Tveimur árum síðar gerðist
hann einn af stofnendum farfuglahreyfingarinnar á Islandi og sat
í fyrstu stjórn Bandalags íslenzkra farfugla. Síðar starfaði hann
einkum fyrir Ferðafélag Islands, átti sæti í stjórn þess í 31 ár,
1947-78, og var ein af máttarstoðum félagsins, enda grunar mig,
að þar hafi hann bundizt tryggðaböndum við marga nánustu vini
sína. Sérstakur þáttur í þessu starfi var lramlag hans til Árbókar
Ferðafélagsins. Til hennar lagði hann í áratugi ríkulegt mynda-
efni, og ritstjóri Árbókarinnar var hann um fimmtán ára skeið,
1968-82. Ég efast um, að á þeim árum hafi annað tímarit íslenzkt
verið öllu útbreiddara. Árið 1980 var Páll Jónsson kjörinn heiðurs-
félagi Ferðafélags Islands. Það er vant að segja, hvert af áhugamál-
um Páls var honum kærast. En þegar hann kaus myndefni á
bókmerki sitt, sem blasir við augum hvert sinn er við opnum bók í
safni lians, þá valdi hann lítið ferðamanns tjald við bjartan læk og
borgfirzka jöklasýn.