Árbók Landsbókasafns Íslands - Nýr flokkur - 01.01.1991, Blaðsíða 112
ÖGMUNDUR HELGASON
Upphafað söfnun íslenzkra þjóðfræða
fyrir áhriffrá Grimmsbræðrum
I
Á síðari hluta 18. aldar vék svonefhdur klassísismi fyrir róman-
tísku stefnunni í skáldskap í Vestur-Evrópu. Bókmenntalegir
straumar voru eins og bæði fyrr og síðar samofnir þjóðfélagsleg-
um hræringum, og höíðu hinar grimmúðugu Napóleonsstyrjaldir
mikil áhrif á þessa þróun undir lok aldarinnar. Sú breyting, sem
hér um ræðir, var fólgin í fráhvarfi frá þeirri fremur óþjóð-
bundnu fræðslu- eða upplýsingarstefnu, sem í listum tók mið af
klassískri fornöld Grikkja og Rómverja, til aukinnar þjóðernis-
hyggju, er skáld og fræðimenn tóku að beina sjónum að andlegum
menningararfi alþýðunnar, hver í sínu heimalandi.
Höfuðheimspekingur hinna rómantísku viðhorfa í Þýzkalandi
var Johann Gottfried Herder. Hann leit á mannkynssöguna sem
lífrænt þróunarferli og taldi anda eða sál hverrar þjóðar lýsa sér í
hinu upprunalega, þ.e. þjóðkvæðum og þjóðsögum eða ævintýr-
um eða öðrum þjóðlegum fræðum, er ekki sízt væri að finna meðal
alþýðunnar, og þess vegna mjög mikilvægt að draga fram í
dagsljósið og koma á framfæri. Herder safnaði sjálfur miklu
kvæðaefni og bjó til útgáfu. Fyrsta bindi kom út 1773 og annað
1778, er hann nefndi „Volkslieder“, en það hugtak var hans eigin
heimspekilega smíð. Skilgreining Herders á þjóðkvæðum var þó
önnur en hefur orðið síðar, og tók hann ekki aðeins í safn sitt
gömul kvæði eftir óþekkta höfunda, heldur einnig ýmis þekkt
skáld, svo sem Shakespeare og vin sinn Goethe, enda ætlunin, að
þessi kveðskapur yrði til andlegra bóta og frekari eftirbreytni fyrir
skáld á hans dögum, er m.a. gætu notfært sér þennan efnivið við
listsköpun sína.
í kjölfar skrifa Herders mótaðist þýzk skáldskaparstefna, er
nýtti sér bæði þjóðkvæði og þjóðsögur til endursköpunar eða sem