Árbók Landsbókasafns Íslands - Nýr flokkur - 01.01.1991, Qupperneq 133

LANDSBÓKASAFNIÐ 1989
133
14 starfi frá 1. nóvember, og Arnþrúður Sigurðardóttir gegndi 14
starfi í tímavinnu í’rá 26. október til áramóta.
Helga Kristín Gunnarsdóttir var í orlofi maí—desember, og leysti
Porsteinn Kári Bjarnason liana affrá 22. júní til áramóta.
Erlendur ritauki var á árinu 1780 rit.
Meðal verkefna deildarinnar var mikil vinna við erlendu spjald-
skrána, en hana þurfti að endurskoða og búa til ljósritunar vegna
Saztekverkefnisins svonefnda, þ.e. breytingar spjaldskrárinnar í
tölvutækt form. Voru sendar utan fyrir árslok alls 42708 færslur
úr Landsbókasafni. Kom þetta verk hart niður á annarri vinnu í
deildinni, svo sem flokkun og skráningu nýrra aðfanga.
Eiríkur Þormóðsson annaðist m.a. útlán erlendra rita og gerði
harða hríð að innköllun útistandandi rita, er dregizt hafði að skila.
Satt að segja eru heimlán erlendra rita minni en skyldi, og veldur
þar eflaust nokkru um, að útgáfa skrár um erlendan ritauka hefur
legið niðri undanfarin ár.
MYNDASTOFA Eins og kunnugt er, hefur um langt
árabil verið unnið í Landsbókasafni að
filmun blaða og tímarita og annars efnis eftir ástæðum. Verk þetta
hefur sótzt seint, en allþungur skriður verið á því undanfarin
misseri í tíð Ivars Brynjólfssonar forstöðumanns myndastofunn-
ar. Mest hefur verið filmað á 35 mm filmur, svo sem dagblöðin og
önnur blöð í stóru broti, þó nokkuð á 16 mm filmur og fisjur verið
unnar úr sumum þeirra.
Filmunum hefur verið komið fyrir í lestrarsal eða í námunda við
hann, ennfremur filmu- og fisjulesvélum. Með því að nýta þannig
filmurnar og vélarnar er unnt að friða frumritin, sem mörg eru
orðin lúin, enda pappír í þeim þunnur og stökkur og því mikilsvert
að geta hlíft þeim við frekara sliti.
Filmur þær, sem notaðar eru, eru pósitívar, sem kallað er, en
kappkostað er að eiga jafnframt negtívar filmur af sem mestu, er
síðan má æxla sér eintök eftir.
Nú þegar Landsbókasafn á orðið þetta mikið safn negatívra
filma, vaknar sú spurning, hvort önnur söfn geti fengið gerð í
safninu pósitív eintök eftir þeim til að nota hjá sér. Eins og sakir
standa, ræður Landsbókasafn ekki við það verkefni, nema það fái
aukið starfslið. Forstöðumaður myndastofunnar hefur getað ein-
beitt sér að filmuninni, af því að annar starfsmaður hefur annazt