Árbók Landsbókasafns Íslands - Nýr flokkur - 01.01.1991, Page 142

142
LANDSBÓKASAFNIÐ 1989
bókhlöðunnar gengu þessi þrjú ár alls 244 milljónir eða ekki
helmingur þess, sem innheimzt haíði. Eru inni í þeirri upphæð 30
milljóna króna aukafjárveiting á árinu, er minnstu munaði að
kippt yrði út aftur í meðferð aukaíjárlaga á Alþingi seint á árinu.
En þær tolldu þó inni að lokum. Fyrir vikið var hægt að bjóða út 10.
áfanga, sem fólginn var í frágangi vélasalar í kjallara, þar sem
komið var fyrir tveimur blásurum til viðbótar þeim tveimur, cr
áður voru komnir. Vinna við 9. áfanga, er boðinn var út vorið
1988, var í gangi allt árið, og tókst nú að ljúka að fullu glerjun
hússins. En jafnframt var unnið mikið í turnum þess og í forhýsi.
Aðalverktaki var sem fyrr Þorsteinn Sveinsson, en byggingareftir-
litsmaður var Bragi Sigurþórsson verkfræðingur. Fjárreiður voru
eftir sem áður hjá framkvæmdadeild Innkaupastofnunar ríkisins.
I síðustu Arbók var skýrt frá þeirri ætlun ríkisstjórnarinnar í
bréfi menntamálaráðherra til byggingarnefndar Þjóðarbókhlöðu
18. nóvember 1988 að beita sér fyrir því, að gildistími laga nr. 49/
1986 um þjóðarátak til byggingar Þjóðarbókhlöðu yrði fram-
lengdur. I stað þess voru hins vegar samþykkt á Alþingi 19. maí
1989 Lög um Þjóðarbókhlöðu og endurbætur menningarbygg-
inga, en 1. grein þeirra hljóðar svo:
Myndaður skal sjóður, sem varið skal til að standa straum af
kostnaði við endurbætur á húsakosti menningarstofnana, stuðla
að verndun gamalla bygginga í eigu ríkisins og bygginga, sem
vernda þarf að mati Þjóðminjasafnsins og samkvæmt tillögum
þess. Þá skal verja sjóðnum í upphafi til þess að ljúka byggingu
Þjóðarbókhlöðunnar. Sjóðurinn er í vörzlu menntamálaráðuneyt-
isins.
í lok laganna er svohljóðandi Akvæði til bráðabirgða: Þar til
byggingu Þjóðarbókhlöðu er lokið, skal sérstakur eignarskattur
samkvæmt lögum þessum renna til þeirrar framkvæmdar eftir því
sem þörf krefur.
Þrátt fyrir þessi ákvæði og þótt tekjur af eignarskattsaukanum
væru í íjárlagafrumvarpinu fyrir árið 1990 áætlaðar 265 milljónir
króna, er Þjóðarbókhlöðu þar einungis ætlaðar 60 milljónir, en
hins vegar gert ráð fyrir, að Háskóli íslands leggi byggingarsjóðn-
um til af happdrættisfé sínu 60 milljónir króna. í greinargerð með
frumvarpinu kom fram, að ekki yrði unnt að efna fyrirheit
ríkisstjórnarinnar frá haustinu 1988 um að ljúka Þjóðarbókhlöð-
unni á fjórum árum. Niðurstaða viðræðna forráðamanna
Háskólans við menntamálaráðherra og fjármálaráðherra varð sú,