Skinfaxi - 01.02.1937, Síða 86

86
SKINFAXI
kynslóðinni, því að e'ltiri kynslóðin hlýtur að leggja allt sitt
á hennar vald fyrr en varir — samkvæmt órjúfanlegum lög-
um lífsins.
Annars á unga kynslóðin nokkra sök í þessu máli, og hún
gerir rétt, ef hún vill viðurkenna það. Hún hefir um of skrýtt
sig erlendum klæðum til ærslaláta. Af því að þetta eru ekki
hennar eigin klæði, hefir það slcyggt á réttmætar kröfur henn-
ar á hendur eldri kynslóðinni, um heilbrigt þjóðskipulag og
þjóðfélagslíf. Þær kröfur á hún að sjálfsögðu að gera, og sú
bezta vernd, sem eldri kynslóðin getur veitt lýðræðinu, er að
fullnægja þeim kröfum með sönnum manndómi.
Ungmennafélagar! Þess er vænzl af ykkur, að þið takið þetta
mál með yfirburðum.
Héðan og handan.
í. S. í. 25 ára.
íþróttasamband íslands var stofnað 28. janúar 1912, og álti
þvi 25 ára afmæli nú í ársbyrjun. Hefir það haft aðalforgöngu
og yfirstjórn íslenzkra íþróttaframkvæmda þenna fjórðung ald-
ar. Og þann tíma hefir það átt margvislega og nána sam-
vinnu við U.M.F.Í. og sambandsféjög þess, enda eru mörg
þeirra í í. S. í.
Hér á landi reis öflug íþróttahreyfing, i þann mund, sem
Ungmennafélögin voru stofnuð, 1900 og árin þar á eftir. Átlu
Umf. mjög ríkan þátt í henni og höfðu aðalforgöngu iþrótta-
málanna um skeið. T. d. stóð U.M.F.Í. fyrir fyrsta íþrótta-
mótinu fyrir allt land, alisherjarmótinu 1911. En svo varð
mönnum ljós nauðsyn þess, að sameina alla iþróttastarfsemi
landsmanna i eitt átak, undir einni stjórn, og Í.S.Í. var stofn-
að. Aðalhvatamaður stofnunar |)ess var Sigurjón Pétursson
glímukappi. En þau ungmennafélög, sem þá voru stærst á
landinu og höfðu forgöngu í iþróttamálum, tvö í Reykjavík
og eitt á Akureyri, tóku þátt í stofnun sambandsins.
Hér er eigi rúm til að rekja 25 ára, starfssögu Í.S.Í. En störf
þess að hreysti og líkamsménningu landsmanna eru mörg og
áhrifa þess gætir víða. Það hefir staðið fyrir eða átt þátt í
flestu því, sem vel hefir verið gert i íþróttamálum landsins
um sína tíð. Sjálft hefir sambandið séð um íþróttaframkvæmd-
ir fyrir allt landið og íþróttasamvinnu við önnur lönd, en
sambandsdeildir þess, íþróttafélög bæjanna og ungmennafélög