Andvari

Árgangur

Andvari - 01.10.1960, Blaðsíða 44

Andvari - 01.10.1960, Blaðsíða 44
234 WIUJAM IIEINESEN ANDVAM hafa hraðan á, hlífðarklæddir menn börðust út í myrkrið með smíðatól, ljósker og kaðla. Strange stýrimaður fór fyrir þeim, grimmúðugur á svip eins og villi- maður. 1 sæmilegu veðri hefði þessi viðgerð verið smámunir einir, en nú varð hún eins og löng og tvísýn orusta við jötna; tveir af áhöfninni mundu hafa farið í sjóinn, ef stýrimaður hefði ekki verið svo forsjáll að láta binda þá við vinduna með sterkum köðlum. Þegar Strange kom upp í brúna eftir frækilegan sigur, stóð skipstjórinn þar og brosti ánægjulega í kampinn eins og hans var vandi. — Að hverjum skollanum er skipstjórinn að hlæja, spurði stýrimaðurinn vonzkulega. — Er ég að hlæja? sagði Thygesen og skellihló. Stýrimaður skundaði burt og tautaði orð eins og handvitlaus og ábyrgðarlaus. — Jú, það er allt í lagi með yður, Strange, sagði skipstjóri og virtist berjast við nýtt hláturs- og hnerrakast. Niðri í farþegadeildinni ríkti nú orðið fullkomið neyðarástand; margir farþeganna höfðu ekki lengur þrek til að halda sér í bríkur og stokka, heldur köstuðust um káetugólfið og fengu högg og kúlur og hrufluðust til blóðs eða féllu í öngvit. Konur og börn voru með háahljóðum af hræðslu. Og það var ekki ástæðulaust. Brytinn, þjónninn og skipsdrengirnir urðu að skerast í leik- inn og hjálpa jómfrúnum, sem sáu ekki út úr annríkinu. Og þegar verst gegndi fékk María þrautir aftur. Frú Davidsen var við öllu búin og lét hana fara í rúmið; en stúlkan var þrákelkin og dreif sig fljótlega á fætur aftur. Uppi í reyksalnum klofuðust salhetjurnar fjórar á stólum sínum og létu miðnæturstundirnar líða. Vindlareykurinn hnyklaðist milli staðfastra ljóspera í loftinu, ýmist kyrr eða hann hringsólaði makindalega, eins og honum kæmu ólætin í skipinu ekkert við. Klukkan á þilinu var stönzuð, tíminn hafði numið staðar og komst ekki úr sporunum; geigvænleg stundleysa ríkti í auðum upp- lýstum salnum, en geyjandi vargar ragnarökkurs yggldu sig og hrinu ofboðs- lega í hafmyrkrinu fyrir utan. Balthazar var hættur að syngja sálmana; hann sat kyrr og naut þess að reykja vindil sinn. Hann sagði, að nú væri röðin komin að skáldinu að skemmta samkvæminu. Það fannst lækninum líka, og það var ekki eftir Einari Bene- diktssyni að bregðast góðum bókmenntaþyrstum löndum sínum. Hann tæmdi glasið, lokaði augunum svo sem til að rifja upp efnið og hóf síðan með mildri hrærðri röddu að flytja hinn mikla óð sinn til útsævarins, híns almáttka, sem er vagga lífsins og gröf.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100

x

Andvari

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Andvari
https://timarit.is/publication/346

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.