Andvari - 01.01.1998, Blaðsíða 26

24
GUNNLAUGUR A. JÓNSSON
ANDVARI
og annars staðar. Hann var köllun sinni trúr og þjónaði kirkjunni af
trúmennsku og alúð og við hverja guðsþjónustu hljómaði rödd konu
hans og fyllti kirkjuna sérstökum blæ. Og enn var haft á orði hversu
mikil gestrisni þeirra hjóna var og að þau væru þannig gestgjafar að
engum leiddist í návist þeirra. Um þau var sagt að þau hefðu auðgað
líf safnaðarins með vináttu, visku og kærleika og þannig reynst sann-
ir boðberar fagnaðarerindisins.13
Kynni af og áhriffrá mikilhœfum einstaklingum
Ekki er vafi á því að sá kunni klerkur sr. Árni Þórarinsson (1860-
1948) er meðal þeirra manna sem mest mótandi áhrif höfðu á sr. Sig-
urð Pálsson. Hefur sr. Sigurður skýrt frá því að honum finnist það
vera fyrsta minning lífs síns er hann fór í kirkju hjá sr. Árna með afa
sínum. „Ég var svo gagntekinn af messunni, að ég tók að messa
strax, þegar ég var kominn heim. Og það var eiginlega minn aðal-
leikur í æskunni að syngja messur,“ segir sr. Sigurður um þessa
áhrifamiklu bernskureynslu sína.14 Bætir hann því við að frá því hafi
hann ekki getað hugsað sér annað en að verða prestur.
Sr. Árni var þannig fyrsti presturinn sem Sigurður Pálsson hafði
kynni af og taldi hann það hafa verið sér ómissandi að þekkja hann.
Sr. Árni hafi verið svo einstakur og hafi sérstaklega haft það til að
bera umfram aðra menn, „að hann var í senn óumdeilanlega geist-
legur höfðingi og gat blandað geði við allan almenning, alveg hreint,
hvern sem var og fórst það allt jafn vel.“15
Ekki er ólíklegt að einmitt að þessu leyti hafi Sigurður orðið fyrir
áhrifum frá sr. Árna, því að sjálfur var sr. Sigurður ætíð laus við allt
sem flokkast gat undir „snobb“ og átti ekki í neinum erfiðleikum
með að blanda geði við allan almenning. Raunar hafði sr. Sigurði
verið innprentað þetta mjög ákveðið af móður sinni í æsku þannig að
sennilega eru þau áhrif í ríkari mæli þaðan komin.
Sjálfur hefur sr. Sigurður skýrt frá því hversu áhrifaríkur ferm-
ingarundirbúningur sr. Árna hafi verið. Hann gengur svo langt að
segja að fermingarfræðslan hjá sr. Árna hafi haft meiri áhrif á sig en
öll guðfræði sem hann hafi síðan lært.
Sr. Árni minnist líka nokkrum sinnum á sr. Sigurð í ævisögu sinni.