Andvari - 01.01.1998, Síða 40

38
GUNNLAUGUR A. JÓNSSON
ANDVARI
fræðideild Háskóla íslands árið 1976. Eins og fram kemur í rökstuðn-
ingi guðfræðideildar var það fyrir rannsóknir á sviði litúrgískra fræða
sem sr. Sigurður var sæmdur þessari nafnbót. Formálinn að heiðurs-
doktorskjöri hans var svohljóðandi:
Sigurður Pálsson er fæddur 1901. Hann hefur á langri starfsævi aflað sér
óvenju víðtækrar þekkingar á sögu hins kristna helgihalds, einkum innan
fornkirkjunnar. Hann hefur einnig unnið sleitulaust að því að kynna sér sögu
íslenzks helgihalds til forna jafnt sem eftir siðbót, og bera litúrgískar tillögur
hans þess vott. Með fræðastarfi sínu, útgáfustarfi og námskeiðum hefur hann
eflt áhuga á litúrgískum fræðum og verið vekjandi afl innan kirkjunnar um
endurnýjun helgihaldsins og endurreisn fornra hátta í þessu efni.
Þótt menn greini á um stefnuna í þessum málum, nýtur séra Sigurður mik-
ils álits sem fræðimaður í litúrgískum efnum og hefur vakið menn til um-
hugsunar um þessi mál. Hann hefur unnið af mikilli eljusemi að útgáfu bóka
og rita til leiðbeiningar um helgihald og hlýtur að teljast hinn mesti atkvæða-
maður og brautryðjandi á þessu sviði.
Séra Sigurður Pálsson hóf snemma sem sveitaprestur að gefa sig að fræða-
störfum, sem hafa borið ávöxt í vekjandi umbótastarfi innan kirkjunnar.
Af þessum sökum telur guðfræðideild Háskóla íslands sér sæmd að því að
heiðra Sigurð Pálsson með titlinum doctor theologiae honoris causa.
Sé það góðu heilli gjört og vitað.
Baráttan fyrir endurreisn Skálholts
Ekki er vafi á því að endurreisn Skálholts er einn þýðingarmesti at-
burðurinn í íslenskri kirkjusögu þessarar aldar. I baráttunni fyrir
þeirri endurreisn var hlutur sr. Sigurðar Pálssonar ekki lítill. Segja
má að erindi sem hann flutti á prestastefnu og síðan var birt sem
grein í Kirkjuritinu árið 194347 hafi orðið til að hrinda af stað hreyf-
ingu um þetta mál.
Sr. Sigurbjörn Einarsson varð síðan öflugasti liðsmaðurinn í þess-
ari baráttu og eftir að hann hóf útgáfu tímaritsins Víðförla má segja
að málefni Skálholts hafi verið þar á dagskrá í hverju hefti. Skál-
holtsfélag var stofnað árið 1949 og varð sr. Sigurbjörn formaður þess.
Stóð félagið fyrir því að farið var að halda Skálholtshátíðir á Þor-
láksmessu á sumri, sem voru mjög til þess fallnar að draga athyglina
að Skálholti og styðja við baráttuna fyrir endurreisn staðarins.
Ofannefnda grein sína byrjar sr. Sigurður Pálsson á því að minna á