Andvari - 01.01.1998, Side 168

Athugasemd um Andvara 1997
Halldór Kristjánsson frá Kirkjubóli hefur oft birt umsagnir um efni And-
vara. Hann lét ritstjóra í té umsögn um síðasta árgang (1997) sem ekki hef-
ur komið á prenti. Halldór veitti heimild til að taka hér upp úr grein sinni.
Annars vegar skal tilgreind athugasemd um Þrjú óbirt bréffrá Stephani G.
sem Böðvar Guðmundsson gaf út: „Böðvar segir (bls. 149) að hann hafi
„hvergi séð nokkra skýringu á því hvers vegna foreldrar Stephans réðust í
vinnumennsku að Mýri í Bárðardal þegar þau gáfust upp á hokrinu í Víði-
mýrarseli árið 1870.“ Foreldrar Guðmundar, föður Stephans skálds, voru
bæði Þingeyingar. Tvær alsystur hans og ein hálfsystir voru húsfreyjur í
Bárðardal. Þó að þetta hafi lítt verið fært í bækur vissi frændfólkið í
Bárðardal vel um þessi ættartengsl.“
Hitt atriðið varðar ritstjórnargreinina í fyrra. Halldór segir:
„Ritstjóri Andvara skrifar stutta grein um kirkjuna. Ræðir hann þar um
erfiðleika á liðnu ári og segir að lokum (bls. 10):
„Hlutverk kristins kennimanns er og verður að leiða fólk til lifandi trúar
á opinberun Guðs í Jesú Kristi.“
Þar hafa prestar starfsbréf sitt, stutt og laggott.
Síðan segir ritstjórinn:
„Enginn má kallast aðili að kristinni kirkju sem ekki játast undir þá
opinberun. Hún er sú borg á bjargi traust sem brotnar ekki né molnar í
stormsveipum tíðarinnar.“
Þetta eru ákveðin ummæli, sögð af hollustu við kirkjuna, en þó má vera
að samkomulagið versnaði ef sú opinberun sem trúin öðru fremur byggist á
væri rædd til hlítar, eins og gjarnan fer hjá ströngum trúmönnum. Þar ber
oft mikið á milli.
Þar eru ýmsir sem halda sig við reynslu af hjálp líkt og margir fengu hjá
Einari á Einarsstöðum fyrir milligöngu hjálparmiðils eða beint bænarsam-
band frá eigin brjósti. Aðrir eru svo þeir sem hallast að þeirri fornu skoðun
að góður guð krefjist blóðhefndar af breyskum mönnum og engar sættir sé
um að ræða fyrr en sú skuld er að fullu greidd. Syndugur maður sé ekki
borgunarmaður fyrir þeirri skuld.
Margt fleira verður deildum kristninnar að ágreiningi eins og víða sýnir
N.