Búfræðingurinn - 01.01.1951, Blaðsíða 75
BÚI’RÆÐINGURINN
73
hægt væri að nota samhliða stilboestrol-töílunum og koma þannig í
veg fyrir riðl.
Ekki gengur eins vel að fá fullorðnar kýr til að mjólka á þennan
hátt, en sumar fullorðnar kýr hafa þó skilað góðum arði. Þegar meira
er vitað um þessa aðferð og ástæðurnar fyrir lágri nyt einstakra kúa,
getur svo farið, að unnt reynist að breyta slæmum mjólkurkúm í góðar
nieð þessari aðferð.
Merkilegar tilraunir hafa verið gerðar í Bandaríkjunum og Bret-
landi síðustu misserin til þess að flytja frjóvguð egg úr kúm yfir í
aðrar kýr og láta fóstrin þroskast í síðarnefndu kúnum. Fæða þá síðar-
nefndu kýrnar kálfa, sem eru undan fyrrnefndu kúnum og eru þannig
notaðar sem eins konar „úlungunarvélar“. Ennþá eru þessar tilraunir
skammt á veg komnar. Tæknilegir örðugleikar eru miklir við að ná
frjóvguðum eggjum úr eggjaleiðurunum á lifandi kúm, en eggin eru
venjulegast tekin, þegar þau hafa lokið við að skipta sér í 8 til 16
hluta. Eru eggin þá komin nálægt leghornunum á leiðinni til legsins.
Venjulegast eru því kýr, sem drepa á, notaðar við tilraunirnar. Eru
þær dældar með yxnismeðali og frjóvgaðar nokkrum dögum áður en
þær eru drepnar. Þegar kýrnar hafa verið drepnar, eru eggjakerfin og
legið skorin burt. Eggjaleiðararnir eru raktir sundur og skornir frá
leghornunum. Blóðíerum er því næst dælt gegnum eggjaleiðarana, og
kerst þá hið frjóvgaða egg með vökvanum, sem síðan er settur undir
stnásjá, og eggið finnst. Því næst er eggið ásamt nokkru af serurn sog-
að upp í frjóvgunarpípu og dælt inn í legið á kú, sem gefið var inn
yxtusmeðal um svipað leyti og kúnni, sem eggið er úr.
Frá hagnýtu sjónarmiði eru þessar tilraunir lítils virði enn, en ekki
er óhugsandi, að í framtíðinni verði hægt að nota góðar kýr til þess
að framleiða fjölda eggja, sem eftir frjóvgun séu svo tekin og sett í
lakari kýrnar til fósturs. Frá fræðilegu sjónarmiði hafa þessar tilraunir
hins vegar mikið gildi til lausnar þeim deilum, sem risið hafa nýlega
Um eitt frumatriði arfgengisfræðinnar, nfl. hvort áunnir eiginleikar
séu arfgengir eða ekki. í Cambridge er verið að gera tilraunir með
ólíkar kanínutegundir í þessu skyni. Má vænta ákveðinnar niðurstöðu
þeirra tilrauna innan fárra ára.