Sagnir - 01.06.2001, Qupperneq 5

Ritstjóraspjall
Sagnfræði, listir og listasaga
Sif Sigmarsdóttir er fædd áriö 1978.
Hún útskrifaóist með 8A próf í sagnfræði frá
Háskóla íslands árið 2001. Sif stundar nú MA
nám í sagnfræði við sama skóla.
Sagnfræðingnum er fátt óviðkomandi. Forvitni hans leiðir hann áfram í
þekkingarleit sem seint tekur enda. Þrátt fyrir að nemum við sagn-
fræðiskor Háskóla íslands gefist aðeins tækifæri til að kynnast listasögu
í fimm eininga námskeiði á ári eru listir óaðskiljanlegur hluti hinna ýmsu
þátta sagnfræðinnar. Nemendur hafa verið duglegir við að velja sér við-
fangsefni listasögunnar í rannsóknarverkefnum sínum eins og þessi 22.
árgangur Sagna ber skýrt vitni um. Þema þessa árlega afkvæmis sagn-
fræðinema er að þessu sinni „sagnfræði, listir og listasaga“.
Listasaga er í flestum háskólum Vesturlanda sjálfstæð, akademísk
fræðigrein, kennd til BA prófs, mastersgráðu og doktorsprófs. Við
Háskóla íslands hefur alloft komið til tals að hleypa af stokkunum lista-
söguskor innan heimspekideildar. Takmarkað fjármagn hefur þó verið
steinn í götu listasögunnar og komið í veg fyrir að úr hafi ræst. Þá hafa
heldur ekki gengið eftir hugmyndir um að sett yrði á laggir námsbraut í
arkitektúr við Háskóla íslands sem þó hefði fyrir margra hluta sakir
verið nærtækt.
Einhver fræðsla á sviði listasögu mun nú veitt við Listaháskóla
íslands og næsta haust mun hefjast kennsla í arkitektúr við þann skóla.
Ekki er örgrannt um að ýmsir hafi efasemdir um að rétt sé að láta Lista-
háskóla íslands alfarið um kennslu verðandi arkitekta. Enn er listasaga
ekki kennd sem sjálfstætt fag við íslenskan háskóla. Háskóli íslands ætti
ekki að „gefa eftir“ þau fræði líkt og virðist hafa orðið með byggingar-
listina. Tafarlaust á efla kennslu í listasögu og jafnvel að hefja undir-
búning að stofnun listasöguskorar innan heimspekideildar. Vinsældir
hins árlega námskeiðs í listasögu eru miklar og námskeiðið er vel sótt.
Áhuginn er því augljóslega fyrir hendi.
í þessum 22. árgangi Sagna er af nógu að taka. Greinar sem tengdar
eru þema blaðsins, „sagnfræði, listum og listasögu“, eru af ýmsum toga.
Fjallað er um listamenn, afurðir þeirra og iðn, viðtökur verkanna og
skilning á þeim svo eitthvað sé nefnt. Auk þess voru fengnir fimm valin-
kunnir einstaklingar til að rita hugleiðingar um þema blaðsins. Loks má
geta þess að myndlistarmaðurinn Ágúst Bjarnason var fenginn til að
myndskreyta eina grein. I greininni „Móðurást á 18. öld“ er að finna
tvær myndir sem hann útbjó sérstaklega fyrir Sagnir. Þeir sem kæra sig
kollótta um listasögu og listir ættu þó vafalítið að finna eitthvað við sitt
hæfi þar sem í blaðinu er einnig að finna fjölbreyttar og áhugaverðar
greinar sem lítt eða ekkert tengjast listasögu.
Kann ég þeim öllum kærar þakkir sem komu að þessum 22. árgangi
Sagna með einu eða öðru móti. Sérstaklega þakka ég þó höfundum
greina framlag þeirra til blaðsins.
Nemendur Háskóla íslands í öllum deildum fást við afar fjölbreytt
viðfangsefni og nálgast þau stöðugt frá nýjum sjónarhóli. Háskóli
íslands á að vera „universitas" í alþjóðlegri merkingu þess orðs. Ég leyfi
mér að vona að það sýnishorn greina sem hér birtist beri þess vitni að
nemendur sagnfræðiskorar Háskóla íslands leggja sitt af mörkum til að
Háskóli íslands rísi undir nafni.
Njótið heil.
Sif Sigmarsdóttir.