Ritið : tímarit Hugvísindastofnunar - 01.01.2007, Síða 43

NÚ ER ÚTI VEÐUR VONT
(e. alarmists) og svo tvo flokka af bjartsýnismönnum, annars vegar þá
sem segja allt í stakasta lagi og svo hina sem segja loftslagsbreytingarnar
slæmar en við getum gripið til aðgerða.“69 Höfundi Vef-Þjóðviljans þykir
umsögnin um heimsendaspámennina sérlega áhugaverð og vimar aðeins
í gagnrýniskafla bresku skýrsluhöfundanna um hrakspárorðræðuna.
Síðan segir höfundur pistilsins:
Nei hér talar ekki „hópur íslenskra harðlínumanna", Vefþjóð-
viljinn, George W. Bush eða aðrir sem höfundar Lesbókar
Morgunblaðsins missa svefn yfir. Fleiri hafa áttað sig á því að
upphrópanir og æsingur er ekki endilega besta leiðin við
umhverfisvemd. Sflkt „loftlagsklám“ [svo] eins og skýrsluhöf-
undamir kjósa að kalla það er kannski spennandi íyrir aðalleik-
arana en aðrir verða fljótt þreyttir að horfa. Umhverfisvernd
snýst um fleira en stóryrði á mótmælaspjöldum. Ef til vill
fengju fleiri áhuga á umhverfismálum ef þau væri ekki í eilífu
umsátri atvinnumótmælenda og æsingamanna.
Höfundur pistilsins gefur þannig mjög villandi mynd af efni skýrslunnar
og lætur í veðri vaka að gagmýni Ereauts og Segnits á hrakspárorðræðuna
beinist að þeim fullyrðingum að mannkyni stafi hætta af hnattrænni
hlýnun, þegar hið sanna er að þau telja þessa aðferðafræði ekki skila
tálætluðum árangri í baráttunni við þá vá sem nú er fyrir dymrn. Að sama
skapi má ráða í það af orðum pistlahöfundarins að Ereaut og Segnit (sem
ráðgjafar breska verkamannaflokksins) séu skoðanasystkini Vef-Þjóðvilja
pennanna, en þeir hafa árum saman haldið uppi áróðursstríði gegn ríkj-
andi kenningum í loftslagsvísindum og notað til þess allar þær aðferðir
sem skýrsluhöfundamir telja ámæhsverðar. Af umþöllun minni ætti
lesanda að vera ljóst að Ereaut og Segnit telja fulltrúa hrakspárorð-
ræðunnar hafa rétt fýrir sér, þó að þau gagnrým þá aðferðafræði sem þeir
beita, en þau telja sjónarmiðin sem ríkja á Vef-Þjóðviljanum hins vegar
ekki svara verð og segja að þau helst skuli í þögninni grafin.
Margt bendir nú til þess að andmælendur ráðandi loftslagsrannsókna
keppist við að endurskilgreina sig sem umhverfissinna. Pennarmr á Vef-
Þjóðviljanum kveða ekki eins fast að orði þessa dagana og undanfarin ár,
og Hannes Hólmsteinn skrifar grein í Lesbók Morgunblaðsins þar sem
69 Sjá: Vef-Þjóðviljinn 4. ágúst 2006 [sjá http://www.andriki.is].
41