Frjáls verslun - 01.04.2014, Blaðsíða 80

80 FRJÁLS VERSLUN 4. 2014
Katrín Jakobsdóttir, formaður Vinstri-grænna.
2014
áhrifamestu
konurnar
100
Þ
egar Katrín Jakobsdóttir er spurð
að því hvaða árangur hún er
ánægðust með hjá Vinstri hreyf -
ingunni – grænu fram boði það
sem af er árinu segir hún að mörg af mál um
flokksins hafi verið samþykkt á þingi svo
sem tillaga um að vinna verði sett af stað
við að brúa bilið á milli leikskóla og fæð -
ingarorlofs.
„Síðan er það hlutverk stjórnarandstöðu
eðli máls samkvæmt að vinna að úrbótum
á málum ríkisstjórnarinnar og þannig
áttum við mikinn þátt í því að fallið var frá
komugjöldum á sjúkrahús sem voru fyrir -
huguð í fjárlagafrumvarpi ríkis stjórnar.“
Hún segir að atvinnulífið sé komið upp úr
hjólförunum enda hafi verið lagður grunnur
að nýrri sókn á síðasta kjörtímabili með
markvissum aðgerðum á sviði rannsókna,
nýsköpunar og skapandi greina. Hún telur
þó nýja ríkisstjórn hafa gert mistök með
því að hverfa frá fjárfestingaáætlun fyrri
ríkisstjórnar og það valdi óstöðugleika,
t.d. fyrir þær atvinnugreinar sem byggist á
nýsköpun og nýrri þekkingu.
Katrín segist vera bjartsýnismanneskja í
eðli sínu en að hún viti ekki hvort hún sé
bjartsýnni á uppgang atvinnulífsins en á
sama tíma í fyrra. „Það er gott að sjá að
atvinnuleysistölur hafa lækkað miðað við
sama tíma í fyrra. Svo er líka gott að sjá
að ungt fólk er víða að stofna fyrirtæki
og koma á fót nýjum og spennandi
verkefnum.“
Hún segir að brýnasta verkefni ríkis -
stjór narinnar sé að tryggja að hver einasti
Íslendingur geti lifað sómasamlegu lífi.
„Við Vinstri-græn lítum svo á að meta
megi gæði samfélags með því að líta til þess
hvernig hlúð er að þeim sem minnst mega
sín og þess vegna leggjum við mikla áherslu
á jöfnuð og réttlæti.“
Katrín segir að það sé misauðvelt að
stofna fyrirtæki og það fari eftir því um
hvers konar fyrirtæki er að ræða. „Það
er til dæmis auðveldara að komast inn
á markað þar sem er gott og sanngjarnt
samkeppnisumhverfi. Það er erfitt að
komast inn á markað ef þar eru fyrir
markaðsráðandi aðilar sem geta samið um
kjör sem ekki bjóðast minni aðilum sem
eru að reyna að komast inn á markaðinn
með nýja hugsun eða vöruframboð. Ísland
er lítið land og stundum verður sam -
keppn in meiri í orði en á borði. Síðan er
mikil vægt að hið opinbera veiti ákveðinn
stuðning – t.d. til sprota- og nýsköp unar -
fyrirtækja.“
Hvað með þrenn algengustu mistök
stjórnenda í starfi? „Eitt er að reyna að
breyta of miklu og hratt því miklu skiptir
að fá fólk með sér í allar breytingar. Annað
er að hlusta ekki á fólk með reynslu og
halda að maður viti allt fyrir. Þriðja er svo
að hafa ekki nægjanlega skýr markmið sjálf
– markmiðin þurfa að liggja fyrir í upphafi
og þá er hægt að aðlaga þau að nýrri þekk -
ingu og nýjum aðstæðum.“
Það að fá tækifæri til að spreyta sig sem
ráðherra í fjögur ár segir Katrín að sé
besta veganestið sem hún hafi fengið í
stjórnun og hún bætir við: „Sem og að gera
þar mistök en líka góða hluti og átta mig
á því að mistök eru hluti af því að þróast
og þroskast – þó að þau geti verið alveg
glötuð.“
katrín er í stjórn árnastofnunar og
nordic Game institute sem er norrænt
verkefni um tölvuleiki.
sóknarfæri í nýrri þekkingu
og nýsköpun
Katrín Jakobsdóttir, formaður Vinstri grænna:
Sumarsýning Listasafns Kópavogs-
Gerðarsafns er tileinkuð tuttugu
ára afmæli safnsins. Á sýningunni
eru verk úr safneign eftir Barböru
Árnason, Gerði Helgadóttur,
Magnús Á. Árnason og Valgerði
Briem. Úr einkasafni Þorvaldar
Guðmundssonar og Ingibjargar
Guðmundsdóttur eru sýnd verk
eftir Jóhannes S. Kjarval.
Safnið er opið alla daga,
nema mánudaga,
frá kl. 11:00 til 17:00.
Sumarsýning