Frjáls verslun - 01.04.2014, Qupperneq 94
94 FRJÁLS VERSLUN 4. 2014
Vigdís Hauksdóttir, formaður fjárlaganefndar:
Brennandi áhugi á þjóðmálum varð til þess að vigdís hauksdóttir skráði sig í fram
sóknarflokkinn og fór að taka þátt í innra starfi flokksins.
H
ún var rúm lega
tvítug, nýút skrifuð
úr Garðyrkju skól -
anum og fannst
aðrir flokkar ekki koma til
greina og ekki heldur að vera
óflokksbundin, enda komin
af gallhörðu framsóknarfólki
í báðar ættir – og líka á ská.
„Guðni [Ágústsson], mágur
minn, var í framboði, og það
hafði áhrif, en þó fyrst og
fremst málstaðurinn og stefna
flokksins,“ segir hún.
Síðan eru liðin allmörg ár,
eitt leiddi af öðru og blóma -
skreytingakonan af Suðurlandi
var allt í einu komin á þing,
fyrst sem varaþingmaður
1991 og síðan í þrígang til
ársins 2003. Lögfræðingurinn
Vigdís Hauksdóttir hefur
hins vegar setið á Alþingi frá
2009, situr þar enn, einnig í
hagræðingarhópi ríkisstjórn -
ar innar auk þess sem hún er
for maður fjárlaganefndar
Alþingis.
Hún segir að kaflaskil hafi
orðið í lífi sínu 2003 og þá hafi
sér gefist tækifæri til að fara í
nám. Lögfræði við Háskólann
á Bifröst varð fyrir valinu og
útskrifaðist Vigdís þaðan með
BS í viðskiptalögfræði 2006,
meistaragráðu í lögfræði 2008
og hafði þá jafnframt tekið alla
kúrsa sem boðið var upp á í
skattarétti. „Nei, ég var ekki
að læra til þingmanns eins og
svo margir hafa spurt mig að,“
segir hún brosandi. „Lögfræði
er samt afskaplega hagnýt fyrir
þá sem starfa við að setja lög
og lesa yfir frumvörp,“ bætir
hún við.
Engu að tapa, allt að
vinna
Spurningunni hvort hún telji
að blómaskreytirinn hefði náð
jafnmiklum stjórnmálaframa
og lögfræðingurinn svarar hún
játandi. „Flokkarnir raða á
lista eftir manneskjum, ekki
menntun. Markmið Alþingis
er að allar starfsstéttir eigi
að rúmast innan þingsins.
Nefndarsviði þingsins er ætlað
að koma til liðs við þá sem
ekki hafa innsýn í lögfræði og
lagasetningar. Hins vegar var
meiningin hjá mér að vinna sem
lögfræðingur eftir útskrift og
fékk ég reyndar starf sem slíkur
hjá ASÍ þar sem ég starfaði í
nokkra mánuði eða þar til ég
var kosin á þing vorið 2009.
Framsóknarflokkurinn hafði
ekki fengið mann úr Reykjavík
í kosningunum 2007 og skorað
var á mig að bjóða mig fram.
Ég tók áskoruninni, enda fannst
mér ég engu hafa að tapa, en allt
að vinna.“
Vigdís segir lífsskoðanir sínar
og lífsgildi samrýmast stefnu
Fram sóknarflokksins, sem
leggi áherslu á að standa vörð
um auðlindir landsins, sé á
móti aðild Íslands að ESB og
hafi samvinnu, fjölskylduna
og mannréttindi í fyrirrúmi.
„Um fram það sem tíðkast hjá
öðrum flokkum,“ fullyrðir hún
og tiltekur m.a. að í stjórnartíð
Framsóknar hafi fæðingarorlof
karla orðið að veruleika.
Út af sporinu
Þótt hún hafi alltaf verið trú og
trygg framsóknarmanneskja
er henni engin launung á
að á tímabili hafi hún efast
um stefnu flokksins. „Árin
2003-2007 voru að mínu mati
erfiðustu ár Framsóknar -
flokks ins, hann fór út af þeirri
leið sem ég vildi fylgja og hef
sannfæringu fyrir. Flokk urinn
var orðinn mjög Evrópu sinn -
aður og margar umdeildar
ákvarðanir voru teknar,“ segir
Vigdís og nefnir til dæmis
stuðninginn við Íraksstríðið.
Sjálf tók hún lítinn þátt í flokks -
starfinu á þessum árum, enda á
kafi í námi á Bifröst.
Eftir þetta umbrotatímabil
segir hún flokkinn hafa „komið
til baka“ þegar Sigmundur
Davíð Gunnlaugsson var kjör -
inn formaður 2009. „Flokkar
eru ekkert annað en fólkið sem
í þeim starfar og eðlilegt að
upp komi róstur annað slagið
og ýmiss konar breytingar
verði. Þegar ég kom fyrst inn
sem varaþingmaður voru fáar
konur á þingi og þingflokkur
Framsóknar að mestu skipaður
gömlum kempum, sem höfðu
verið lengi á þingi. Mér var
tekið mjög vel, en ég var fyrst
og fremst stressuð, hrædd um
að gera mistök og við ræðu -
stólinn – og fann fyrir mik -
illi virðingu gagnvart þessu
virðulega húsi og sögu þess,“
rifjar Vigdís upp og upplýsir
að núna geri hún sér far um að
taka varaþingmenn flokksins í
fóstur, eins og hún orðar það.
Hræðslan við mistök og ræðu -
stólinn hefur rjátlast af henni
eins og frægt er því hún vílar
ekki fyrir sér að segja sína
skoð un og bera fram umdeildar
fyrirspurnir. „Ég lofaði sjálfri
mér því þegar ég settist á þing
að segja alltaf sannleikann
og verða ekki meðvirkninni
að bráð eins og margir urðu í
að draganda hrunsins. Ég læt
ekki kúga mig til að skipta um
skoðun. Sannleikurinn er mitt
bensín í þingmennskunni og ég
stend af mér orrahríðina þegar
fjölmiðlar og kommentakerfi
fara hamförum vegna ein -
hverra ummæla minna – eða
mis mæla,“ segir Vigdís og
kveðst í raun og sann ekki taka
slíkt inn á sig. Bætir svo við að
hér sé ákveðinn hópur sem sé
búinn að búa til bannorð. Efst
á blaði eru þróunaraðstoð og
hælisleitendur.
Bannorðin
„Það er eins og ekki sé hægt að
taka þá nauðsynlegu umræðu
án upphrópana og gífuryrða.
Ég hef fengið bágt fyrir að
ætla ekki að verða
meðvirkninni að bráð
2014
áhrifamestu
konurnar
100
TexTi: valGerður Þ. jónsdóTTir