Frjáls verslun - 01.04.2014, Blaðsíða 86

86 FRJÁLS VERSLUN 4. 2014
undirritaður hafi verið sett
lög um stjórn og starfshætti
þjóðkirkjunnar, sem kváðu á
um að kirkjan sæi um öll sín
innri mál. „Áður fyrr þurfti að
fara fyrir Alþingi ef sameina
átti prestaköll eða stofna nýtt.
Ég þekki dæmi um að eitt
slíkt var stofnað á næturfundi
á Alþingi og heyrði biskup
fyrst af hinu nýja prestakalli
í fréttum daginn eftir. Eina
hlutverk Alþingis núna er að
breyta lögum um stjórn og
starfshætti þjóðkirkjunnar
eða samþykkja ný. Kirkjuþing
verður að vinna og samþykkja
allar breytingar áður en þær
fara fyrir Alþingi.“
Af meintri íhaldssemi
Í huga Agnesar er kirkjan langt
frá því að vera íhaldssöm vegna
þess að innan hennar rúmist
mikill fjölbreytileiki og hún
saman standi af breiðri fylkingu,
sem eigi það sameiginlegt
að trúa á Jesú Krist og boða
fagnaðarerindið. Innt eftir
hvort sjálf sé hún frjálslynd
svarar hún játandi. Hún kveðst
ekki hafa þurft að standa í
ströngu í málamiðlunum í
em 0bættistíð sinni. „Ég læt
ekki skipa mér fyrir verkum
heldur geri mér far um að
vera sanngjörn, hlusta á öll
sjónarmið og landa málum án
þess að misbeita valdi mínu
eða taka ákvarðanir sem koma
illa við fólk,“ segir hún.
Þótt þjóðkirkjan byggist á
gömlum hefðum er hún að mati
Agnesar í takt við nútímann og
tengd lífi fólksins í landinu með
margvíslegum hætti, bæði leynt
og ljóst. Sá fjöldi sem sækir
hefðbundar guðsþjónustur
á sunnudögum sé ekki eini
mælikvarðinn á þátttöku fólks
í kristilegu starfi. „Helgihald í
kirkjum landsins er gríðarlega
öflugt. Í einni kirkju eru allt-
af haldnar gospelmessur á
sunnudagskvöldum, Tómasar -
messa einu sinni í mánuði í
annarri, æðruleysis messa og
batamessur í Dómkirkjunni,
léttmessur, fjölskyldumessur,
barnamessur og kyrrðarstundir
í hádeginu eru einnig víða svo
bara fátt eitt sé talið. Hver
söfnuður hefur í rauninni
frelsi til að móta sitt starf. Svo
framarlega sem við boðum
trúna á Jesú Krist getum
við notað alla þá miðla og
allar þær aðferðir sem okkur
dettur í hug,“ segir Agnes og
upplýsir að á Biskupsstofu sé
starfandi vefprestur, sem sjái
um heimasíðu stofunnar og
að miðla boðskapnum „ … á
öllum þessum nútímamiðlum;
Facebook, Twitter og öðrum,
sem ég kann ekki að nefna“,
segir Agnes og bætir við að nú
á tímum þurfi að hrópa hátt svo
í manni heyrist.
Á einum slíkum miðli, nánar
tiltekið heimasíðu Biskups-
stofu, kemur fram að Agnes
hafi frá unga aldri lagt stund
á hljóðfæraleik og söng, verið
í kvennakór og kirkjukórum
og lært á píanó og orgel. Núna
segist hún ekki hafa tíma til
að sinna þess um hugðarefnum
samhliða skyldum biskups.
„Ég hætti að spila fyrir tuttugu
árum en er farin að spila aðeins
aftur, en bara fyrir sjálfa mig,
og hef ekki tíma til að syngja
í kór. Sólarhringurinn fer í að
vera í vinnunni, sem er alls ekki
slæmt. Þann litla tíma sem ég
hef aflögu nota ég til að hitta
fólkið mitt; móður mína, syni,
tengdadætur og barnabarn.
Að vera biskup er frekar eins
og lífsstíll en starf; mér finnst
forréttindi í lífinu að fá að
vera kirkjunnar þjónn og flytja
þennan boðskap, sem er svo
uppbyggilegur og hvetjandi.“
„Við megum aldrei
missa sjónar á því að
koma boðskapnum
á framfæri. Ef við
efumst um að hann
sé þess virði erum
við komin út á hálan
ís. Boðskapurinn er
sameiginlegt verkefni
okkar allra og á það
lagði ég áherslu á
prestastefnunni.“
2014
áhrifamestu
konurnar
100
fjölbreytileikinn er
styrkleiki
Aðalheiður Héðinsdóttir, eigandi Kaffitárs:
Þ
egar Aðalheiður
Héðinsdóttir er spurð
hvaða árangur hún
sé ánægðust með hjá
Kaffitári það sem af er árinu
nefnir hún nýjar um búðir
utan um kaffið sem fyrir tæk -
ið framleiðir. „Sam starf við
Hvíta húsið og Sögu hring
kvenna hefur verið sér staklega
ánægju legt og skemmtilegt.
Við erum stolt af útkomunni
og vonum að við skiptavinirnir
séu það einnig.“
Þegar hún er spurð hvort
henni finnist atvinnulífið vera
komið upp úr hjólförunum
segir hún: „Já, svei mér þá. Ég
held að svo sé.“
Hún segist vera bjartsýnni á
uppgang atvinnulífsins nú en
á sama tíma í fyrra og bætir
við að hún sé reyndar alltaf
bjartsýn.
Svo er það spurningin hvert
sé brýnasta verkefni ríkis -
stjórn arinnar. „Ég tel það vera
að kasta krónunni og taka
upp gjaldmiðil sem virkar til
lengri tíma. Vextir hér á landi
eru ekki í neinu samræmi við
það sem samkeppnin erlendis
býr við. Þetta er afleitt fyrir
íslenska framleiðendur og
landsmenn alla.“
Hversu auðvelt er að stofna
fyrirtæki á Íslandi og komast
inn á markaði? „Ég tel að
það sé mjög auðvelt. Hér er
gott stuðningsnet á fyrstu
stigum og frekar auðveldur
aðgangur að heimamarkaði.“
Þegar Aðalheiður er spurð
hver séu að hennar mati þrenn
algengustu mistök stjórnenda
í starfi segir hún: „Að segja
ekki nógu skýrt til hvers er
ætlast, að horfa fram hjá því
þegar undirmenn vinna ekki
í krafti heildarinnar og að
samþykkja sérfræðiaðstoð án
þess að viðkomandi sé gerður
ábyrgur fyrir útkomunni.“
Hvert er besta veganestið sem
hún hefur fengið í stjórnun?
„Það er að ólíkt fólk vinnur
vel saman og fjölbreytileikinn
er styrkleiki.“

aðalheiður situr í stjórn
kaffitárs og tækniskólans.
Aðalheiður Héðinsdóttir, eigandi Kaffitárs.