Frjáls verslun - 01.04.2014, Blaðsíða 17

FRJÁLS VERSLUN 4. 2014 17
Mary Barra
varð fyrst
kvenna til
að taka við
stjórn einnar
af stóru
bílasmiðj un­
um í Banda­
ríkj unum.
Þar féll
loks gamalt
karla veldi.
„Þetta varð til þess að
Barra skaut skyndilega
upp í efri sætin á listum
yfir valdamestu konur
heims.“
Mary Barra á því að gera það sem
forveri hennar í starfi, Dan Akerson,
tókst ekki. Af hverju halda menn að
hún ráði við þetta verkefni?
fyrirtækið á fjölskylduna
Barra er rafmagnsverkfæðingur og
MBA í stjórnun. Hún er því bæði með
tæknina og stjórnunina á hreinu. Og
hún hefur alltaf unnið fyrir GM og
gekk í tækniskóla fyrirtækisins. Hún
kom fyrst til GM átján ára gömul sem
lærlingur og hefur unnið sig upp,
þrep af þrepi, frá árinu 1979. Þetta
ætti að tryggja hollustu við vinnu­
veitandann.
Við þetta bætist svo að faðir henn­
ar, Ray Makela, var tækjasmiður hjá
GM í þrjátíu og níu ár. Fyrirtækið á
þessa fjölskyldu. Foreldrarnir eru
finnskir innflytjendur og það er sagt
að finnskur dugnaður og kraftur fylgi
Mary Berra.
Dan Akerson var reyndar hálf­
sænskur þannig að Norðurlandabúar
hafa síðustu ár stýrt GM. Barra er þó
bara hálfdrættingur á við Akerson í
launum – hvort sem þar ræður hefðin
að borga konum minna en körlum
eða bara krafa um sparnað við yfir -
stjórnina.
Mary Barra er fædd Mary Teresa
Makela en tók upp nafnið Barra
þegar hún giftist Tony Barra, sem
hún kynntist í tækniskólanum hjá
GM. Þau hafa verið gift í tuttugu og
sjö ár og eiga tvö börn á unglings­
aldri.
ekki fleiri druslur
Skólafélagar Mary Barra segja að
hún sé „alveg rosalega gáfuð“ en þó
um leið lítillát og alþýðleg. Undan­
farin tuttugu ár hefur hún gegnt
stjórnunarstöðum hjá GM en vann
áður að tækniþróun. Hún var starfs­
mannastjóri og svo eftir það einn af
varaforsetum félagsins með ábyrgð
á innkaupum og alþjóðlegu starfi.
Í stjórnun aðhyllist hún hugmyndir
um sjálfstæði og frumkvæði starfs­
fólksins. Hún vill ekki vasast í öllu
sjálf. Í viðtali sagðist hún ekki vilja
heyra starfsfólk sitt segja: Ég geri
þetta af því að Mary sagði mér að
gera það!
Hún þykir lagin við að velja fólk
sam an í starfshópa og sjá til þess að
verkin séu unnin. En hún telur ekki
að hún viti allt best.
Hún á það þó líka til að vera ströng.
Eitt sinn sagði hún: Ég vil að við
hætt um að framleiða druslur! Þar
vísaði hún til þess að bílar frá GM
hafa oft reynst gallaðir og gæði
framleiðslunnar eru ekki þau sömu
og í gamla daga. Því eiga starfs­
menn GM von á auknum kröfum um
árangur í starfi og að að búa til bíla
sem eru draumabílar allra.
Mary Barra, forstjóri GM, hefur orðið að svara fyrir þingnefnd í Washington
vegna galla í framleiðslunni. Hún hefur erft mörg vandamál heima í Detroit.