Frjáls verslun - 01.04.2014, Blaðsíða 87

FRJÁLS VERSLUN 4. 2014 87
„Ég er ánægðust með það
jákvæða og móttækilega
viðmót sem ég hef mætt gagn ­
vart þeim breytingum sem ég
hef viljað innleiða.“Hrund Rudolfsdóttir, forstjóri Veritas.
2014
áhrifamestu
konurnar
100
H
rund Rudolfsdóttir tók við
starfi forstjóra Veritas fyrir
rúmu hálfu ári og segir að
alltaf komi einhverjar breyt -
ingar og nýjar áherslur með nýjum stjórn -
endum.
„Ég er ánægðust með það jákvæða og
móttækilega viðmót sem ég hef mætt gagn -
vart þeim breytingum sem ég hef viljað
innleiða. Fyrirtæki sem hefur á að skipa
starfsfólki sem er opið fyrir breyt ingum
mun alltaf finna leiðir til að endurskilgreina
sjálft sig og lifa góðu lífi þótt rótgróið sé.“
Hrund segir að sér finnist atvinnulífið
ekki vera komið upp úr hjólförunum en
að Íslendingar séu að öðru leyti á réttri
leið. Hún segist annars vera bjartsýnni á
uppgang atvinnulífsins en á sama tíma í
fyrra. „Við erum hægt og bítandi að ná
að leggja orsök og afleiðingar fjár mála -
hrunsins aftur fyrir okkur sem er afar
mikilvægt fyrir þjóðarsálina. Einnig eru
teikn á lofti um að framkvæmdir, dugur
og þor séu að aukast sem við þurfum svo
nauðsynlega á að halda.“
Að mati hennar er brýnasta verk efni
ríkisstjórnarinnar að aflétta gjaldeyris höft -
um, stýra rekstri hins opin bera af ráðdeild
og ná sátt við þjóðina um hvernig haldið
skuli á málum gagnvart aðildar ferli að
Evrópusambandinu.
Hversu auðvelt er að hennar mati að
stofna fyrirtæki á Íslandi og komast inn á
markaði? „Það tekur örskot og einhverja
hundraðþúsundkalla að stofna fyrirtæki en
það er ekki til neitt algilt svar um inngöngu
á markaði þar sem þeir eru eins misjafnir
og þeir eru margir.“
Hvað varðar þrenn algengustu mistök
stjórnenda í starfi segir Hrund að sér finnist
stjórnendur oft vanmeta gildi þess að hlusta
á og vera í nánum tengslum við fólkið sitt.
„Einnig hættir mörgum til að vanmeta gildi
góðrar heimavinnu og undirbúnings áður
en farið er af stað. Þá held ég að mikilvægi
mikillar og tíðrar upplýsingagjafar til
starfsmanna sé aldrei ofmetið.“
Hvert ætli sé svo besta veganestið sem hún
hefur fengið í stjórnun? Hún á svar við því:
„Þegar stjórnandi bendir á undirmann sinn
þá eru þrír fingur sem benda á hann sjálfan.
Það skiptir máli að vera óhræddur við að
vera maður sjálfur með öllum veikleikum
og styrkleikum því fólk finnur fljótt ef
maður er ekki heill í því sem maður gerir.
Að lokum vil ég nefna gildi þess að láta
fjölbreytileikann njóta sín því þannig nær
maður að laða fram besta árangurinn úr
hópi fólks.“
hrund er stjórnarformaður stefnis og
stjórnarmaður hjá eimskip.
framkvæmdir, dugur
og þor að aukast
Hrund Rudolfsdóttir, forstjóri Veritas: