Frjáls verslun - 01.10.2006, Qupperneq 55

F R J Á L S V E R S L U N • 1 0 . T B L . 2 0 0 6 55
K
ristján Þór Júlíusson lætur um komandi áramót af starfi
bæjarstjóra á Akureyri og er kominn í landsmálapólitík-
ina. Í prófkjöri Sjálfstæðisflokksins í Norðausturkjördæmi
á dögunum náði hann efsti sæti og leiðir framboðslista
flokksins í alþingiskosningum á vori komanda. Við starfi bæjarstjóra
í höfuðstað Norðurlands tekur Sigrún Björk Jakobsdóttir, sem verið
hefur bæjarfulltrúi frá árinu 2002. Afar margir stjórnmálamenn í
tímans rás hafa fetað sama veg og Akureyringurinn Kristján Þór gerir
nú, það er helga sig sveitarstjórnarmálum í upphafi ferils síns en færa
sig í fyllingu tímans yfir á svið landsmálanna. Í þessu sambandi er
nærtækast að nefna Davíð Oddsson sem var borgarstjóri í tæp tíu ár,
uns hann var kjörinn formaður Sjálfstæðisflokksins og varð forsæt-
isráðherra í kjölfarið.
Reynsluboltar á flakki Rekstrarþekking, útsjónarsemi, stjórn-
unarhæfileikar, hæfni í mannlegum samskiptum og að vera á réttum
stað í pólitík. Eitthvað í þessa veru eru þær kröfur sem gerðar eru til
bæjar- og sveitarstjóra, þó að ekki sé til nákvæm forskrift um æskilega
hæfileika þeirra sem takast þessi störf á hendur. Margir telja sig kall-
aða þótt fáir séu útvaldir, ekki síst nú þegar sveitarfélögum í land-
inu fækkar með hverju árinu sem líður. Þótt starfsöryggi bæjar- og
sveitarstjóra sé ekki ýkja mikið, eru störfin samt afar eftirsótt eins og
fjöldi umsækjenda um þau sýnir best og eins umræður - ef ekki deilur
- um kosti og lesti þess sem ráðinn er. Í sumum sveitarfélögum bjóða
flokkarnir líka fram sérstök bæjarstjóraefni, svo Gunnar I. Birgisson í
Kópavogi, Árna Sigfússon í Reykjanesbæ og Lúðvík Geirsson í Hafn-
arfirði, svo einhverjir séu nefndir.
Eftir bæjar- og sveitarstjórnarkosningar fer alltaf af stað næsta sér-
stök hringekja. Nýir kandídatar sjást í sætum bæjar- og sveitarstjóra
og reynsluboltar á þessu sviði flakki landshorna á milli. Sumir eru
merktir ákveðnum stjórnmálaflokkum og eru ráðnir til starfa eða
missa embætti sín eftir því hvernig pólitískir vindar blása og mál
skipast við myndun meirihluta í bæjarstjórn á hverjum stað. Meðal
bæjar- og sveitarstjóra á nýhöfnu kjörtímabili eru fjölmargir nýliðar,
en aðrir sitja áfram eða hafa fært sig um set. Svo eru líka hinir sem
eru horfnir af sviðinu. En hvað varð um þá? Förum í hringferð um
landið og könnum hvað varð um bæjarstjórana sem hættu og kynn-
umst sömuleiðis nýliðunum.
Vesturland Á Akranesi náðu sjálfstæðismenn og frjálslyndir saman
um meirihlutasamstarf í bæjarstjórn, eftir að meirihluti Framsóknar-
flokks og Samfylkingar féll. Eins og sjálfstæðismenn á Skipaskaga
boðuðu fyrir kosningar var Gísli S. Einarsson, áður þingmaður krata,
ráðinn bæjarstjóri, en starfinu gegndi áður framsóknarmaðurinn
Guðmundur Páll Jónsson, nú aðstoðarmaður Magnúsar Stefánssonar
félagsmálaráðherra.
Í Grundarfirði lét Björg Ágústsdóttir af starfi bæjarstjóra eftir að
hafa gegnt því frá 1995. Hún hefur ráðið sig til starfa hjá ráðgjafa-
fyrirtækinu Alta sem hefur starfsstöð í Grundarfirði jafnframt því
að vera í námi. Í stað Bjargar var ráðinn Guðmundur Ingi Gunn-
laugsson, áður sveitarstjóri í Rangárþingi ytra.
Í Dalabyggð tók Gunnólfur Lárusson við sveitarstjórastarfinu, en
forveri hans var Haraldur Líndal Haraldsson, nú framkvæmdastjóri
hjá Nýsi hf.
Vestfirðir Í Reykhólasveit var Óskar Steingrímsson ráðinn í starf
framkvæmdastjóra sveitarfélagsins í stað Einars Arnar Thorlacius,
sem varð sveitarstjóri í Hvalfjarðarsveit.
Í Vesturbyggð, sem nær yfir Patreksfjörð, Bíldudal og nærsveitir,
urðu breytingar. Nýr meirihlutalisti Samstöðu, bræðingur vinstri
manna og fleiri, tók við stjórn mála og réð Ragnar Jörundsson sem
bæjarstjóra, en hann var áður sveitarstjóri Hríseyinga.
BÆJARSTJÓRA
HRINGEKJAN
B Æ J A R S T J Ó R A H R I N G E K J A N
Hafnarfjarðarkratinn Tryggvi Harðarson er
kominn suður eftir fjögur ár í bæjarstjórastóli
á Seyðisfirði.
Steinunn Valdís Óskarsdóttir fyrrverandi borgarstjóri skipar fjórða sætið á lista Samfylkingar
í öðru Reykjavíkurkjördæmanna í vor. Úr borgarstjórastól á þing er þekkt ferli.