Frjáls verslun - 01.10.2006, Side 60

60 F R J Á L S V E R S L U N • 1 0 . T B L . 2 0 0 6
T vær steríótýpur hafa í gegnum tíðina verið mest áberandi þegar um einkarit-ara var skrifað í skáldsögum. Annars
vegar unga flotta skvísan sem ráðin var út á
útlitið en minna fór kannski fyrir hæfileikum
hennar til að sinna starfinu. Það gat þó komið
sér vel að geta sett sætan ritara á hnéð og fjöldi
skopmynda er til af þeim aðstæðum.
Hin týpan var miðaldra kona sem gjarnan
hafði vaxið í starfi meðfram fyrirtækinu og
gjörþekkti alla skipulagningu, öll verk og
ekki síður forstjórann sjálfan sem hún hafði
aðstoðað frá því hann var að taka við starfi.
Hún var oftar en ekki dugnaðarforkur sem
lifði fyrir það eitt að vinna og var gjarnan
ástfangin af húsbónda sínum í laumi.
Þessi ritari var límið sem hélt fyrirtækinu
saman og kannski sá aðilinn sem rak það
þegar allt kom til alls.
Nú má kannski gera athugasemd við það
að aðeins er talað um konur en langflestir
einkaritarar hafa verið konur. Karlar hafa
yfirleitt ekki sótt í þessi störf en með nýjum
siðum, þ.e. því að breyta um starfsheiti
og setja aðstoðarmaður í stað ritara, hefur
körlum fjölgað í stéttinni. Það skal þó ósagt
látið hvort starfssvið þeirra og kvennanna er
nákvæmlega hið sama og ekki skal heldur
fullyrt neitt um launakjör.
Víst er að starfssvið ritarans er ansi vítt og
fjölbreytt eins og sjá má hér á eftir.
Rætt er við þrjár konur sem allar eru
einkaritarar forstjóra hjá mismunandi fyrir-
tækjum. Þær segja frá starfi sínu og ábyrgð
sem er örlítið mismunandi eftir því hvaða
fyrirtæki er um að ræða. Þó er ljóst að alltaf
er um að ræða viðamikið og ábyrgðarfullt
starf.
E I N K A R I T A R A R
TEXTI: VIGDÍS STEFÁNSDÓTTIR
MYNDIR: GEIR ÓLAFSSON
Er hið gamla og hefðbundna starf einkaritara forstjóra
að líða undir lok? Sjá þeir ekki sjálfir um póstinn sinn og
bréfaskrif á Netinu? Titillinn „einkaritari forstjóra“ heyrist
æ sjaldnar, en oftar er talað um aðstoðarmenn forstjóra.
ER STARF
EINKARITARA FORSTJÓRA
AÐ LÍÐA UNDIR LOK?