Frjáls verslun - 01.10.2006, Síða 62

62 F R J Á L S V E R S L U N • 1 0 . T B L . 2 0 0 6
E I N K A R I T A R A R
frumvörp voru undirbúin í ráðuneytinu og
talsvert var gefið út af skýrslum. Mér
fannst óskaplega gaman og lærdómsríkt
að vinna í fjármálaráðuneytinu,“ segir
hún. „Þar var oft mikið álag og mikið um
að vera.“
Það sem kemur frá skrifstofu forstjóra
þarf að vera vel unnið og Ólöf segist
gjarnan lesa yfir og koma með ábendingar
um orðalag og uppsetningu ásamt því að
laga stafsetningu ef þarf.
Í hverju er svo starf hennar fólgið?
„Það má segja að ég haldi utan um tíma
Magnúsar – og skipulegg hann eftir
föngum. Ég bóka fundi og tala við þá sem
óska eftir að hitta hann. Magnús er sífellt
á ferðinni, enda vinnustaðurinn stór. Oft
nær fólk ekki til Magnúsar en ég er til
staðar og það er auðvelt að ná í mig og
ég get oft leyst úr málum sem upp koma.
Þetta á bæði við um hina fjölmörgu starfs-
menn spítalans og fólk úti í þjóðfélaginu.
Ég er líka ritari framkvæmdastjórnar spít-
alans og undirbý fundi hennar og skrifa
fundargerðir. Starfinu fylgir eðlilega tals-
verð umsýsla með skjöl og náið samstarf
við aðra ritara.“
Ólöf segir nauðsynlegt að hafa ánægju
af samskiptum við fólk í því starfi sem
hún er í. „Maður þarf að vera fljótur að
átta sig og vera með skipulagið á hreinu.“
Magnús og Ólöf hafa unnið saman
lengi. „Það er mikill kostur því ég veit oft
hvernig hann vill leysa mál og get gert
það án þess að ónáða hann,“ segir Ólöf.
„Þetta samstarf krefst þess að ég geti
unnið sjálfstætt. Magnús þarf að geta
treyst því að hann geti látið mér í té verk-
efni sem ég svo leysi af hendi eins og til
er ætlast. Mér þykir þetta starf skemmti-
legt og það er gríðarlega fjölbreytt. Ég er
stöðugt að læra eitthvað nýtt á þessum
stóra vinnustað og mér finnst það mik-
ilvægur hluti starfsins enda vinnur hér
mikið af góðu fólki. Það er gott að vinna
fyrir Magnús og á milli okkar ríkir mikið
traust.“
Ingibjörg hefur heldur óvenju-
legan bakgrunn í starf ritara.
Hún er geislafræðingur að
mennt og vann á röntgendeild
frá 1980 til 1991, en byrjaði
að vinna í Kauphöllinni 1998.
Hún er nýorðin fimmtug og býr í
Mosfellsbæ.
„Starf ritara forstjóra felur
ekki lengur í sér að skrifa upp
bréf eftir diktafóni,“ segir
Ingibjörg. „Ég er að vísu
aðeins í bréfaskriftum en það
felst meira í því að setja bréfin
upp eftir að hafa fengið texta
í hendur. Annars eru hefð-
bundin störf mín fólgin í því að
fylgjast með dagbók Þórðar,
taka við beiðnum um viðtöl
frá innlendum og erlendum
fréttamönnum og starfsfólki
á fjármálamarkaði og sjá til
þess að dagurinn gangi upp.
Ég er honum til aðstoðar
þegar hann heldur erindi, bý
fyrst til format fyrir Power
Point kynninguna og svo
vinnur hann textann. Einnig bý
ég til glærur úr efni frá honum
ef þarf.“ Ingibjörg er einnig
tengiliður þangað sem á að
flytja erindin og sér um að
samræma upplýsingar frá fólki
ef um er að ræða samstarfs-
verkefni. Hún sér einnig um
gagnasöfnun og fundarboð á
stjórnarfundi Kauphallarinnar.
„Ég sé líka um að skipu-
leggja ferðalög forstjórans.
Það getur verið flókið því
stundum þarf hann að vera á
tveim stöðum í einu ef vel á að
vera. Það getur þurft að kanna
hvernig best og fljótlegast er
að komast á milli staða, hvort
nota á flugvél, bíl eða lest.“
Með ritarastörfum sínum
fyrir Þórð sinnir Ingibjörg einnig
skjalastjórnun í Kauphöllinni.
Hún er líka aðalgjaldkeri
og greiðir alla reikninga.
Reikningaumsýslan er regluleg
og greiðir hún reikninga tvisvar
í viku að jafnaði.
„Ég leysi af á símanum
ásamt öðrum starfsmanni og
þegar tækifæri gefst aðstoða
ég aðra starfsmenn og sinni
prófarkalestri,“ segir hún og
bætir við: „Ritaraþjónusta
fyrir forstjóra er starf þar sem
eru álagstoppar en á milli er
heldur rólegra og þá finnst mér
sjálfsagt að nota tímann í að
aðstoða aðra í fyrirtækinu eftir
því sem þarf.
Ingibjörg R. Guðjónsdóttir
RITARI FORSTJÓRA KAUPHALLARINNAR OG SKJALASTJÓRI
Ingibjörg Guðjónsdóttir er einkaritari Þórðar Friðjónssonar, forstjóra
Kauphallarinnar.
F
í
t
o
n
/
S
Í
A Við bjóðum viðskiptavinum Sparisjóðsins að velja eitt af þeim átta félögum sem við höfum ákveðið að styrkja í ár. Þá mun
Sparisjóðurinn greiða 1.000 kr. fyrir hvern viðskiptavin sem tekur þátt. Auk þess geta allir, viðskiptavinir og aðrir, lagt mál-
efninu lið og bætt við upphæð að eigin vali. Farðu inn á www.spar.is eða komdu í næsta Sparisjóð og gefðu þinn styrk.
Sparisjóðurinn og viðskiptavinir hans sameinast nú um að styrkja samtök sem vinna að úrbótum í geðheilbrigðismálum. Fjórði hver
Íslendingur á við geðræn vandamál að stríða einhvern tíma á ævinni en með réttri meðhöndlun og stuðningi eru yfirgnæfandi líkur
á að fólk nái bata.
Við erum geðveikt góð saman