Frjáls verslun - 01.10.2006, Page 78

78 F R J Á L S V E R S L U N • 1 0 . T B L . 2 0 0 6
JÓLIN KOMA
Gróa Ásgeirsdóttir eignaðist son 22. desember.
EFTIRMINNILEG JÓL:
Vildi koma í heiminn
Jólin árið 1993 eru Gróu
Ásgeirsdóttur, vefstjóra Flugfélags
Íslands, eftirminnileg. Sonur
hennar, Ólafur Ásgeir, kom í heim-
inn 22. desember, en hann átti
ekki að fæðast fyrr en í janúar.
„Það kom í ljós 20. desember
að ekki var allt með felldu þannig
að ég var sett af stað eins og
sagt er. Þegar til kom var barnið
ekki svo spennt að koma í heim-
inn og það endaði með því að
það var tekið með keisaraskurði
22. desember og var ekki nema
10 merkur. Það stefndi allt í að
við þyrftum að eyða jólunum á
fæðingardeildinni sem ég gat
ekki hugsað mér. Við fengum
hins vegar leyfi til að fara heim á
aðfangadagsmorgun og allt endaði
þetta vel. Þetta er besta jólagjöfin
sem ég hef fengið fyrr og síðar.
Jólin árið 1993 voru yndislegustu
jól sem ég hef átt.“
Syni Gróu, Ólafi Ásgeiri, hefur
ekki alltaf þótt gaman að eiga
afmæli rétt fyrir jól. „Við höldum
alltaf upp á afmælið og pössum að
það gleymist ekki í jólaamstrinu.
Við erum alltaf búin að skreyta
jólatréð og setja upp jólaskraut
og jólaljós fyrir afmælið og höldum
jólalegt afmæli.“