Frjáls verslun - 01.10.2006, Side 102

102 F R J Á L S V E R S L U N • 1 0 . T B L . 2 0 0 6
JÓLIN KOMA
Axel Nikulásson sendiráðunautur
hefur búið í Peking í Kína í rúmlega
eitt ár. Hann segir að þar fari lítið fyrir
jólastemmningu eins og við þekkjum
hér heima. „Íbúðahverfi vestræns fólks
tæmast um miðjan desember og jólaljós
í gluggum heimila eru fáséð. Pekingbúar
hafa gert sitt til að hressa upp á borg-
ina til að gleðja vestræna íbúa hennar
og er mikið um ljós og skreytingar í
kringum vestræn verslunarhús og skrif-
stofubyggingar. Þeim hefur þó ekki tekist
nægilega vel að átta sig á því hvað við
teljum smekklegt og eru jólatrésskreyt-
ingar þeirra margar hverjar svakalegar
þar sem úir og grúir af skrauti í kílóavís
án þess að heildarmynd náist á gjörn-
inginn. Skapnaðurinn er hins vegar óað-
skiljanlegur hluti af vilja Pekingbúa til
að bjóða okkur velkomna og er þannig
séð ákveðinn jólaglaðningur á kínverska
vísu.“
Axel segir að jólahald fjölskyldu sinnar
í Kína hafi verið ánægjulegt – hann bendir
á að um fjölskylduhátíð sé að ræða þó
að ekki fari fyrir jólaboðum. „Friður og ró
umlykur jólaundirbúninginn og við erum
blessunarlega laus við allar jólaauglýs-
ingar og -tilboð sem berast Íslendingum
allan desember. Þetta leggur í hendur fjöl-
skyldunnar að skapa sína réttu stemmn-
ingu sem hefst hjá mér fyrstu viku í des-
ember er bakað er piparkökuhús að hætti
húsbóndans.“
JÓL Í KÍNA
Íbúðahverfi vestræns fólks tæmast
Axel Nikulásson og Fríða dóttir hans í Kína. „Friður og ró umlykur jólaundirbúninginn og við erum
blessunarlega laus við allar jólaauglýsingar og -tilboð sem berast Íslendingum allan desember.“