Frjáls verslun - 01.10.2006, Page 103

F R J Á L S V E R S L U N • 1 0 . T B L . 2 0 0 6 103
„Í fjölskyldu minni var ávallt farið í kirkju um
jólin,“ segir Ásgeir Baldurs, framkvæmdastjóri VÍS.
„Sem barni fannst mér það misskemmtilegt og
oft var erfitt að einbeita sér að orðum prestsins.
Ég minnist þess að þegar ég var fimm ára gam-
all var ég ákaflega hrifinn af hnefaleikakappanum
Muhammed Ali og ætlaði að verða boxari eins
og hann þegar ég yrði stór. Það var í messu á
aðfangadag í Kópavogskirkju og séra Árni Pálsson
var í miðri predikun. Eitthvað var ég í öðrum
heimi því að allt í einu stökk ég upp úr sæti mínu
og hrópaði hátt og skýrt yfir kirkjuna: „Ég er
Muhammed Ali!“ Séra Árni lét ekki slá sig út af
laginu þrátt fyrir þessa truflun og kláraði messuna
með glæsibrag en ég andaði með nefinu það sem
eftir lifði messunnar þar sem hönd móðurinnar
sá til þess að ég kæmi ekki fleiri skilaboðum á
framfæri. Þess má geta að frá því að ég eignaðist
sjálfur börn hef ég ekki sótt kirkju um jólin. Hvort
þessi reynsla mín hafði áhrif þar á skal ósagt
látið.“
Ásgeir Baldurs. „Þess má geta að frá því að ég eignaðist sjálfur
börn hef ég ekki sótt kirkju um jólin.“
Í KIRKJU UM JÓLIN
„Ég er
Muhammed Ali“
„Það er því miður orðið ljóst að ég skýt ekki sjálfur
rjúpurnar í jólamatinn að þessu sinni,“ segir Páll
Magnússon útvarpsstjóri. „Veiðitíminn liðinn og aldrei
komst ég til fjalla. Þetta er í annað eða kannski
þriðja sinn sem þetta gerist síðustu 15 eða 20 árin
og ég verð að játa að þetta skemmir aðeins fyrir mér
jólin. Mér finnst leiðinlegra að matreiða „annarra
manna rjúpur“ og þær eru klárlega verri á bragðið! Ég
vildi raunar helst sleppa því að hafa rjúpur fyrst ég
skaut þær ekki sjálfur, en fjölskyldan tekur það ekki
í mál. Ég bauð upp á villigæsabringur í staðinn - af
eigin afla - en því var hafnað. Ég er sem sagt búinn
að sníkja þær rjúpur sem ég þarf og það voru mér
þungbær viðskipti sem beygluðu sjálfsmyndina. Þetta
mun ekki gerast aftur.“
„ANNARRA MANNA RJÚPUR“
Þetta mun ekki
gerast aftur
Páll Magnússon. „Ég vildi raunar helst sleppa því að
hafa rjúpur fyrst ég skaut þær ekki sjálfur, en fjöl-
skyldan tekur það ekki í mál.“