Frjáls verslun - 01.10.2006, Síða 119

F R J Á L S V E R S L U N • 1 0 . T B L . 2 0 0 6 119
Monterey
Carmel
Salinas
Big Sur
Solvang
Santa Barbara
Las Vegas
Flug
F E R Ð A L A G
Einn í Kaliforníu
Skemmtileg leið:
San Francisco
Malibu
Los Angeles
Ég neita því ekki að við hjónin vorum orðin svolítið lúin eftir níu tíma flug frá Keflavík til San Francisco. Þetta var samt ekki eins erfitt flug og það hljómar. Það hafði lengi verið draumur okkar
að aka meðfram ströndinni frá San Francisco niður til Los Angeles.
Vegurinn heitir einfaldlega 1. Styttra getur það ekki orðið.
Þegar við ókum frá flugvellinum að hótelinu í miðborg San Franc-
isco varð mér hugsað til gamallar kvikmyndar með Steve McQeen,
Bullit, en hún gerist í þessari fallegu borg sem teygir sig yfir 42 hæðir
og hóla og hefur á sér brag sem Evrópubúar kunna svo vel að meta.
„Það var þá hérna sem Steve McQeen lét Mustanginn fljúga,“
sagði ég við sjálfan mig. Bullit var hasarmynd, sem sló í gegn fyrir um
fjörutíu árum, og þeir sem sáu myndina gleyma aldrei kappakstrinum
í henni um snarbrattar brekkur borgarinnar.
San Francisco var áður gullborgin í gullfylkinu. Hún var mið-
punktur gullæðisins og þangað flykktust innflytjendur hvarvetna frá
með dollaramerkin í augum. Í borginni er t.d. stærsta Kínahverfi
utan Asíu. San Francisco er ekki lengur auðugasta borg Bandaríkj-
anna – en hún er í efstu hæðum borga vegna fegurðar og ríkrar
menningar. Þar búa um 800 þúsund manns.
San Fransisco er hafnarborg við samnefndan flóa og þar sigla
stærstu vöruflutningaskip heims, drekkhlaðin varningi, flest á leið-
inni til Oakland sem er í næsta nágrenni, hinum megin við flóann
og með aðra stærstu höfn í heimi. Steinsnar frá Oakland er Berkley
sem hefur byggst upp í kringum hinn kunna háskóla, University of
California at Berkley.