Tímarit Máls og menningar - 01.04.1964, Page 13

Til félagsmanna Máls og menningar
Útgáfa Heimskringlu
í lok febrúar komu út hjá Heimskringlu Leikföng leiSans, smásögur eftir Guðberg
Bergsson, en Guðbergur hefur efalítið vakið mesta forvitni hjá bókmenntaunnendum,
þeirra höfimda sem hafa byrjað ritferil sinn hin síðustu ár.
Gert var ráð fyrir því að gefa út þriðja bindi Shakespeareþýðinga Helga Hálfdanarsonar
í þessum mánuði, þar sem 400 ára afmæli Shakespeares er talið vera þann 23. apríl. Nú
hefur hinsvegar samizt svo milli Máls og menningar og skipuleggjenda Listamannaþings
þess sem háð verður í júní næstkomandi, að fresta útgáfunni þangað til í júníbyrjun og
tengja hana þeirri listahátíð.
Þá er ástæða til að geta þess að meðal þeirra bóka sem Heimskringla gefur út í haust
verður ný ljóðabók eftir Jóhannes úr Kötlum.
Fleiri bækur eru í undirbúningi, þó of snemmt sé að nefna þær enn sem komið er.
Fleiri félagsmenn!
Að lokum er rétt að nota tækifærið til að skora á umboðsmenn og aðra félagsmenn að
afla Máli og menningu nýrra félaga, benda kunningjum og vinum á félagið, útskýra fyrir
þeim þau kjör sem það býður. Næstu tvo mánuði gerir Mál og menning sérstakt átak til
að auka tölu félagsmanna, og birtir auglýsingu víða um land með tilboðum um óvenjuleg
kjör handa þeim sem ganga í félagið á þessum tíma. Þessi kjör gilda aðeins til 15. júní,
og við vonum að sem flestir félagsmenn stuðli að því að söfnunin hafi náð góðum árangri
fyrir þann tíma. Velunnarar Máls og menningar verða að hafa í huga að félagið þarfnast
stöðugt nýrra félaga, og að því fleiri félgsmenn, því öflugra verður félagið, og því vand-
aðri og umfangsmeiri verður útgáfustarfsemi þess.
3