Tímarit Máls og menningar - 01.06.1991, Blaðsíða 92

George Perec. Teikning eftir Pierre Le Tan.
flaggar nöfnum Italo Calvino hins ítalska,
Harry Matthews hins bandaríska auk
frönsku höfundanna Perec og Quenau, svo
nokkrir séu nefndir.
Hér fer á eftir upphafskafli Hlutanna.
Sagan segir frá ungu Parísarpari, Jérome og
Sylvíu. Þau eru nýsloppin úr námi og fram
undan er lífið ein samhangandi hlutaveisla
sem þau dreymir um að hljóta aðgang að.
Allt er áform, draumur, loftsýn — án þess
þau hreyfi litlafingur til að hrinda takmark-
inu í framkvæmd. Þau þokast innar og innar
í öngstræti óskhyggjunnar og í einhverju
samblandi af nauðvöm og flótta halda þau
til Túnis í því skyni að gerast kennarar „úti
á landi“. En grafast æ dýpra í hillingamar.
Frásagnarháttur Hlutanna er sérstæður. í
fyrsta kaflanum þar sem óskhyggjan er alls-
ráðandi eru skildagatíð og viðtengingar-
háttur ríkjandi. í lokakaflanum em þau
aftur komin til Parísar og það sem þau eiga
í vændum er dregið upp í framtíð. En meg-
infrásögnin á milli upphafs og endaloka er
í þátíð og rígskorðuðum frásagnarhætti.
Hlutirnir hafa farið sigurför um heiminn
og verið þýddir á allar helstu tungur heims.

90
TMM 1991:2