Tímarit Máls og menningar - 01.06.1991, Blaðsíða 93

George Perec
Hlutirnir
Kaflar úr skáldsögu
Augað myndi fyrst staldra við gráan renning í löngum, háum og þröngum
gangi. Veggimir væm skápar úr ljósum viði og lýsti af koparskránum.
Þrjár myndir, ein af Thunderbird, sigurvegaranum í Epsom, önnur af
skipi í dagrenningu, Le Ville de Montereau, sú þriðja lest af gerðinni
Stephenson — leiddu að leðurtjaldi sem væri haldið uppi af stómm
hringjum úr blökkum æðaberum viði sem viki með einu handtaki til
hliðar. Við af renningnum tæki þá gulleitt parkett hulið að hluta af þremur
mottum í dempuðum litum.
Þetta væri dagstofan, um það bil sjö metrar á lengd, þrír á breidd. Á
vinstri hönd gæti að líta einskonar lokrekkju, stóreflis dívan með lúnu
leðri og bókahillum á báðar hendur gerðar úr föllitum kirsuberjaviði og
svignuðu undan handahófskenndum bókastöflum. Fyrir ofan dívaninn
héngi gamalt sjókort sem tæki yfir allt þilið. Handan við lítið lágborð
undir bænamottu úr silki pinnaðri í þilið með þremur stórhöfða kopar-
nöglum væri annar dívan sem kæmi homrétt á þann fyrri, klæddur brúnu
flaueli og við höfðalagið væri lítil mubbla á háum fótum, lökkuð í
dökkrauðu, útbúin með þremur hillum þar sem ægði saman smámunum:
agatsteinum, steineggjum, neftóbaksdósum, sælgætisöskjum, öskubökk-
um úr jaðe, perlumóðurskel, vasaúri úr silfri, glerskúlptúr, kristalpíra-
míða, smámynd í egglaga ramma. í framhaldi af vattfóðraðri hurð gæti
að líta hillustæðu sem fyllti upp í hornið og þar á væru hljómplötur í
öskjum og stöflum við hliðina á græjum með fjórum hnúðum úr hömruðu
stáli og fyrir ofan héngi mynd af Skrúðgöngunni Miklu við hátíðahöldin
í Carrousel. Glugginn væri tjaldaður hvítum og brúnum gardínum með
áþrykktri eftirlíkingu af málverki eftir Jouy. Út um hann sæjust fáein tré,
TMM 1991:2
91