Skírnir - 01.04.1999, Blaðsíða 53
SKÍRNIR
KVÓTAKERFIÐ: KENNING OG VERULEIKI
47
einu samfélagi kunna að vera fordæmd annars staðar (til dæmis
viðskipti með líffæri, lífsýni, fósturvísa og erfðaupplýsingar), en
ævinlega er gerður einhver greinarmunur á eðlilegum og siðlaus-
um viðskiptum. Fæstum dytti í hug að skipta á börnum sínum,
mökum eða foreldrum fyrir lausafé eða fasteignir og við eigum
ekki von á að jafnvel hörðustu talsmenn frjálshyggju og nýklass-
ískrar hagfræði séu þar undantekning.
Til að skilja þær deilur sem staðið hafa um kvótakerfið á Is-
landi er nauðsynlegt að beina athyglinni að því siðferðilega lands-
lagi sem fyrir er í landinu. Nýklassísk hagfræði hefur jafnan ýtt
slíku landslagi til hliðar eins og það skipti ekki máli og þess vegna
er hún ófær um að greina það og skilja. Samt skyldu menn ekki
leiða það hjá sér. Tilraunir með nýja þjóðfélagsgerð, sem láta
undir höfuð leggjast að hlýða á raddir almennings og taka mið af
því siðferðilega landslagi sem þær endurspegla, hugmyndum
fólks um hvað er boðlegt og hvað ekki, eru dæmdar til að mis-
takast. Það er tilgangslaust að'senda jarðýtur á vettvang til að
jafna misfellurnar við jörðu ef nýjar spretta jafnharðan upp. Þetta
ættu menn að hafa lært af gerska ævintýrinu, sem Halldór Lax-
ness lýsti á sínum tíma.
Við höfum, ásamt samstarfsmönnum okkar, fylgst náið með
deilum um kvótakerfið á undanförnum árum. Meðal annars höf-
um við rætt ítarlega við fólk í nokkrum sjávarplássum, sjómenn,
útgerðarmenn og fiskverkafólk. Viðmælendur okkar bera vitni
um ákafa siðferðilega umræðu í íslensku samfélagi, sem ekki ætti
að koma á óvart. Mörgum ofbýður að fámennur hópur fólks geti
safnað til sín aflaheimildum og auðgast á því einu að leigja þær frá
sér, „fá greitt inná reikninginn sinn háar upphæðir fyrir að teljast
eiga þetta“, eins og austfirskur sjómaður kemst að orði, án þess
að þurfa að „hafa fyrir því“, svo vitnað sé í nýlega ritgerð Óðins
Gunnars Óðinssonar (1997:160). „Ég hefði nú sagt“, segir full-
orðin kona, „að hitt sé nú heilbrigðara, að veiða [fiskinn], fyrir
mína parta, að veiða fiskinn sjálfur“ (bls. 163). Menn sem leigja
frá sér aflaheimildir eru sagðir liggja „með tærnar upp í loft“ og
það sé „ekki eðlilegt einhvern veginn“ (bls. 165). Margar sögur
fara einnig af sjómönnum sem hafa „búið til kvóta“ á skip, eins
og það er orðað, og síðan þurft að sjá á eftir honum í vasa útgerð-