Saga - 2012, Side 23

Bretar að heiman
Ólafur Rastrick ræðir við David Cannadine
og Lindu Colley, prófessora í sagnfræði
við Princeton-háskóla
Linda Colley og David Cannadine eru hjón. Þau eru sagnfræðipró-
fessorar við Princeton-háskóla í Bandaríkjunum og eiga það einnig
sameiginlegt að hafa rannsakað sögu Breska heimsveldisins og
þjóðernishyggju. Þrátt fyrir áralanga búsetu utan heimalands síns
hafa þau verið áberandi í samfélagsumræðu í Bretlandi, enda hafa
þau tekið þátt í henni um nokkurt skeið með blaðaskrifum, t.d. í
London Review of Books og The Guardian. Bæði hafa þau starfað að
afmörkuðum verkefnum fyrir stjórnvöld í Bretlandi og með rann-
sóknum sínum átt þátt í að ljá hugmyndum þeirra fræðilegt gildi,
svo sem hugmyndum um sameiginlega þjóðarvitund Breta sem
Gordon Brown reyndi að afla fylgis í forsætisráðherratíð sinni.
Colley er enda þekktust fyrir verk sitt Britons: Forging the Nation
1707–1837 (1992), sem er rannsókn á mótun þjóðarvitundar í þeirri
ríkisheild sem varð til við sameiningu Englands, Skotlands og
Wales árið 1707 en jafnframt rannsókn á hugmyndafræði þjóðernis-
hyggju í víðari skilningi. Af öðrum þekktum verkum Colleys má
nefna Captives: Britain, Empire and the World 1600–1850 (2002) sem
byggt er frásögnum af örlögum breskra fanga á svæðum heims-
veldisins í Asíu, Afríku og Norður-Ameríku og varpar ljósi á hversu
flókin menningarleg heild Breska heimsveldið var í þeim hlutum
þess þar sem Bretar þurftu að reiða sig á innfædda til að manna heri
sína. Nýjasta verk Lindu Colley, The Ordeal of Elizabeth Marsh: A
Woman in World History, var af The New York Times valið eitt af tíu
bestu ritum ársins 2007, en í bókinni er rakin saga konu, dóttur
bresks skipasmiðs og jamaískrar konu, sem sigldi um heimsins höf
og ferðaðist víða um lönd á síðari hluta 18. aldar. Þótt bókin styðjist
Saga L:1 (2012), bls. 23–34.
V IÐTAL
Saga vor 2012_Saga haust 2004 - NOTA 10.5.2012 12:39 Page 23