Saga - 2012, Side 31

Ólafur Rastrick: Ég ímynda mér að það séu tengsl milli mismunandi
söguspekilegra sjónarmiða um Breska heimsveldið og nýlegra
umræðna og deilna um sögukennslu í skólum í Bretlandi. Í bók sem
þú sendir frá þér nýverið, Cannadine, The Right Kind of History (2011),
gerir þú í félagi við samstarfmenn þína grein fyrir því hvernig og af
hverju saga hefur verið kennd í skólum í Englandi síðastliðna öld.
Þessi rannsókn kemur beint inn í umræður um stöðu og framtíðar-
stefnu í þessum málum, og þú kemur — hefur mér skilist — að vinnu
við endurskoðun bresku námskrárinnar í sögu. Gætir þú sagt okkur
stuttlega frá þessari rannsókn?
David Cannadine: The Right Kind of History er helsta afurð rann-
sóknarverkefnis um sögukennslu í ríkisreknum skólum í Englandi
á tuttugustu öld, sem var stutt og fjármagnað af Linbury Trust og
framkvæmt á vegum Institute of Historical Research í London. Ég
stjórnaði þessu verkefni og hafði yfirumsjón með rannsóknum
sérfræðinganna Jenny Keating og Nicola Sheldon — og svo skrifaði
ég bókina. Þetta var að öllu leyti samstarfsverkefni, sem skýrir af
hverju nöfn þeirra eru ásamt mínu á titilsíðu bókarinnar. Alls vörð -
um við meira en fimm árum í vinnu við þetta verkefni. Markmiðið
með því að standa að þessari rannsókn á sögu sem námsgrein í
enskum ríkisskólum var tvíþætt. Annars vegar vildum við gera
úttekt á sögukennslu, sem ekki hafði áður verið gerð, og hvetja
þannig til þess að saga annarra námsgreina yrði tekin sömu tökum.
Hins vegar vildum við leggja á ráðin og koma með tillögur inn í þá
umræðu sem nú á sér stað um sögukennslu í skólum. Allt of oft hef-
ur verið gengið út frá því að áður fyrr hafi ríkt gullöld sögukennslu
sem við höfum síðan verið að fjarlægjast á undanförnum áratugum.
Bókin okkar sýnir aftur á móti að hugmyndin um þá gullöld á ekki
við rök að styðjast, einkum vegna þess að sögu hefur aldrei verið
markað sérstaklega mikið rými í kennslunni. Við sýndum einnig
fram á að þetta snýst um miklu margslungnara mál en felst í meint-
um takmörkunum námskráa í sögu. — Ég er á því að menn viður-
kenni almennt að þessi bók okkar hafi gjörbreytt og endurskilgreint
umræðuna um sögukennslu í skólum og að það sé almennur
stuðningur við helstu tillögur okkar um að sögukennsla í enskum
ríkisskólum verði gerð að skyldu til sextán ára aldurs. Mennta -
málaráðherra [Bretlands], Michael Gove, er einmitt um þessar
mundir að vinna að þessum málum og ég mun eiga fund með hon-
um á næstu vikum til að ræða þetta nánar.
bretar að heiman 31
Saga vor 2012_Saga haust 2004 - NOTA 10.5.2012 12:39 Page 31